VOV4.Bahnar – Kơsơ̆ năr 27/3, yă Trương Thị Mai, juăt jang lơ̆m Ƀan ƀĭ thư, Kơdră Anih pơgơ̆r jang trung ương atŭm hăm khul kơpal kơ trung ương hlôi truh hơpong, asong tơmam, chô̆ kơƀang hnam Tơguatư tơguăl ăn minh ƀar unh hnam kon pơlei lơ̆m tơring teh kơ apŭng Điện Biên, dêh char Điện Biên păng hơlen tơdrong jang hơmet ăn lêh tơbăt 70 sơnăm đei iŏk Jơnei Điện Biên Phủ.

VOV4.Bahnar - Dak Nông ƀlep 49 sơnăm rơngei Gia Nghĩa, dêh char pơgơ̆r Pơm lêh tơbăt 20 sơnăm pơjing dơ̆ng dêh char (2004 - 2024). Dak Nông - kiơ̆ nơ̆r M’nông ‘noh jĭ “thoong đak đơ̆ng plui”. Đơ̆ng groi teh pơsel pơsŏ, Dak Nông hlôi atŏk tơ iung kơtang păng dang ei tŏk bŏk hơdrin atŏk tơ iung jing dêh char đei ƀôh kơ tơring Tây Nguyên.

VOV4.Bahnar - 2 - Pơgê brei (27/3), tơ̆ Hà Nội, Kơdră jang lơ̆m Hơnih tơm Chinh trĭ, Kơdră Ban Bí thư, Kơdră Hơnih bơ̆ jang kơ Trung ương Trương Thị Mai bơ̆ jang hăm Đảng đoàn, Khul kơdră Trung ương Khul Ƀô̆ đô̆i so Việt Nam.

VOV4.Bahnar - 6 - Lơ̆m 128 hơnih ming man đak so nhă rơgoh pơlei pơla akŏm tơ̆ dêh char Dak Lăk, đei truh 52 hơnih ming man hư răm kơtang pă gơ̆h chă pơro đak păng mơjĭt hơnih chă pơro đak đunh đơ̆h. Ư̆h kơ măh kon jên ming hơmet hlôi pơm kơnê̆ kơtang trih tơdrong pơro đak sŏ nhă rơgoh ăn kon pơlei, mă kăl lơ̆m khei ‘năr phang pơđang hrei au.

VOV4.Bahnar – Pơgê năr 27/3, tơ̆ Hnam Kuôk hô̆i, Kơdră Kuôk hô̆i Vương Đình Huệ sơng Thươ̆ng ngĭ sih, yă Kirsten Gillibrand, Kơdră Anih jang gah tơdrong răm pơjuă ‘nao, Anih jang Khul linh Thươ̆ng viê̆n Hoa Kỳ păng dôm bơngai năm lơ̆m khul noh đe Thươ̆ng ngĭ sih, Hă ngĭ sih, dôm khul đảng, dôm tơring teh kơ Hoa Kỳ tŏk bŏk năm tơmang păng pơm jang tơ̆ Việt Nam.

VOV4.Bahnar - 1- Kơsơ̆ năr 27/3, tơ̆ Hơnih bơ̆ jang Khul Kơdră Teh đak, Thủ tướng Phạm Minh Chính hlôi sơng pơma dơnuh hăm Kơdră chĕp pơgơ̆r Hơnih tơm atŏk tơ iung mŭk drăm, mơdro sa apŭng plĕnh teh păng pơtrŭt tĕch mơdro tơ̆ teh đak đe kơ Canada Mary Ng tŏk bŏk năm ngôi, bơ̆ jang tơ̆ Việt Nam.

VOV4.Bahnar - 3- Drung kơsơ̆ năr 27/3, tơ̆ Hnam Kuô̆k hô̆i, Kơdră chĕp pơgơ̆r Kuô̆k hô̆i tơƀơ̆p muh măt Khul tang măt ăn rim bơngai hŏk jrŭ, khul chĕp pơgơ̆r lui khop, kon kông gơh hơgei pơlei tơm Hà Nội.

VOV4.Bahnar – Tơbăt 93 sơnăm năr pơjing Khul druh dăm Cộng sản Hồ Chí Minh, kơsơ̆ ‘năr 26/3, Quân ủy Trung ương, Anih tơm vei lăng khul linh teh đak pơm lêh pôk pơ ư 45 ‘nu Bơngai mơlôh rơgei, Bơngai mơlôh đei hơmĕng lơ̆m khul linh sơnăm 2023.

VOV4.Bahnar  – ‘Năr 26/3/2024, tơ̆ Anih jang kơ Trung ương Đảng, Tổng Bí thư Nguyễn Phú Trọng hlôi pơma đam hăm điên thoăi hăm Kơdră tơm teh đak Nga Vladimir Putin.

VOV4.Bahnar - Kơsơ̆ 26/3, tơ̆ anih jang Khŭl kơdră teh đak, ƀok Phạm Minh Chính, Bơngai jang lơ̆m Anih tơm Chĭnh trĭ, Thủ tướng teh đak, Kơdră Anih chih tơroi Mŭk drăm - tơpôl Hop akŏm bơngai tang măt lơ̆m teh đak ‘măng mă XIV kơ Đảng pơgơ̆r ‘măng hop akŏm mă 2 kơ Anih chih tơroi.