VOV4.Bahnar - Kơ sơ̆ ‘năr 28/2, tơ̆ Hnam Kuôk hô̆i, Kơdră Kuôk hô̆i Vương Đình Huệ sơng ƀok Park Hark Kyu, Kơdră dơnơm vei lăng jên hu Kŏng ti Samsung Electronics.

VOV4.Bahnar- Pơgê (28/2), tơ̆ thị trấn Sa Thầy, apŭng Sa Thầy, Khŭl chĕp kơ̆l Anih jang Đoan dêh char Kon Tum pơgơ̆r Lêh tơlĕch jang Khei hơdruh tơdăm sơnăm 2023 tơklep hăm pơ tôch tơdrong jang tơgŭm pơyan yă rak 2022 păng pơyan puih mak năm jang tơgŭm 2023 hăm tơdrong vang jang đơ̆ng hloh 500 đoàn viên, hơdruh tơdăm.

VOV4.Bahnar Kơdră teh đak kơplăh dang ei yă Võ Thị Ánh Xuân năm ngôi păng bơ̆ jang tơ̆ Học viện Khŭl linh vei lăng tơring sơlam - anih pơtho pơhrăm kang ƀô̆ păng tơchĕng hơlen khoa hŏk đơ̆ng khŭl linh Ƀô̆ đô̆i vei lăng tơring sơlam tơ̆ Thị xã Sơn Tây, Hà Nội.

VOV4.Bahnar - Pơgê năr 28/2, tơ Hnam Kuô̆k hô̆i, Kơdră chĕp pơgơ̆r Kuô̆k hô̆i Vương Đình Huệ sơng pơma dơnuh hăm Kơdră chĕp pơgơ̆r Kuô̆k hô̆i Lào Khambay Damlath tŏk bŏk atŭm hăm Khul kơdră tang măt Kuô̆k hô̆i Lào năm tơmang bơ̆ jang tơ̆ Việt Nam.

VOV4.Bahnar - Đơ̆ng rŏng 7 sơnăm, hlôi đei dang 310 ha teh tơ̆ Đak Nông hlôi sir iŏk đĭ Bauxit, dêh char tŏk bŏk apĭnh rim Hơnih tơm hrôih đei trong jang pơdreo dơ̆ng ăn tơring.  

VOV4. Bahnar - Pơtêng hăm rim dêh char lơ̆m tơring Tây Nguyên, Kon Tum ưh gan rơvơn lơ̆m krao hơvơn tơmơ̆t jên jang, mă lei gơnơm jang kiơ̆ rim trong tơlĕch jang, đơ̆ng rŏng 2 sơnăm jang kiơ̆ Tơdrong tơchơ̆t XVI kơ Hơnih Đảng dêh char, Kon Tum hlôi hơvơn đei 68 tơdrong vă jang hăm kon jên tơmơ̆t jang 18.000 ti hlak jên.

VOV4.Bahnar – 'Năr brei (27/2), tơ̆ Anih jang vei lăng kon pơlei xăh Ea H’đing (apŭng Cư M’Gar), Anih jang Đoan dêh char Đăk Lăk pơm Lêh pơtơm Khei hơdruh tơdăm iung pơm jang xơnăm 2023 hăm lơ tơdrong jang kăp gĭt, akŏm lơ̆m tơdrong tơplih sô̆ lơ̆m đoan viên hơdruh tơdăm păng kon pơlei.

VOV4.Bahnar – Việt Nam gô pơtoi pơm trong hiôk, jang hadoi kơjăp hăm dôm anih jang kơ Hoa Kỳ vă dôm tơdrong jang hadoi kơ 2 păh đei jơnei tơnăp păng đei jơnei nhen tơlĕch tơchơ̆t.

VOV4.Bahnar – Ƀơ̆t tơbăt 68 xơnăm 'Năr thâi pơgang Việt Nam (27/2/1955 - 27/2/2023),ăh kơsơ̆ năr 27/2, Kơdră Kuôk hô̆i Vương Đình Huệ hlôi truh apong, thơ thâu hơ-iă păng hơlêm hăm đe yăo sư, ƀak sih, thâi pơgang atŭm hăm đe kang ƀô̆, bơngai jang, đe linh, bơngai tŏk bŏk oei pơm jang tơ̆ Hnam pơgang 108.

VOV4.Bahnar - Pơgê năr 27/2, tơ̆ Geneva, Thụy Sĩ, Kơ iĕng Thủ tướng Teh đak Trần Lưu Quang hlôi chĕp kơ̆l khul tang măt Việt Nam vang năm pơgơ̆r blŭng a păng iung pơma tơ̆ hop akŏm Kơdră kơpal ‘Măng hop akŏm mă 52 kơ Khul jang vei lăng pơm tơm kơdih kon bơngai Liên hợp quốc.