VOV4.Bahnar  – Dôm Kơtơ̆ng ang kơ teh đak Nhâ̆t kơsô̆ tơbang năr 22/11 nhen Mainichi, Nikkei, Jiji… hrơ̆p minh 'măng chih tơbang găh tơdrong năm tơmang teh đak Nhâ̆t đơ̆ng Thủ tướng teh đak Cộng hòa Xã hội Chủ nghĩa Việt Nam Phạm Minh Chính pơtơm đơ̆ng năr 22-25/11. Hla bar tơroi Mainichi ră hơdăh Thủ tướng Phạm Minh Chính jing tơmoi kơpal mă blŭng năm tơmang teh đak Nhâ̆t jô̆ đơ̆ng jơnŭm pơgơ̆r kơ ƀok Thủ tướng Kishida Fumio tŏk pơgơ̆r. 'Măng năm tơmang pơm hơdăh tơdrong jang hadoi ƀar păh găh lơ tơdrong jang nhen vei xơđơ̆ng tơpôl, jang mŭk drăm... hơyak pơm jang tơ̆ tơring Ấn Độ - Thái Bình Dương hiôk hian păng pơih xă. Lơ̆m 'măng năm tơmang âu, ăh năr 24/11, Thủ tướng Phạm Minh Chính gô pơma đam hăm Thủ tướng Kishida Fumio, pơma đam găh tơdrong pơkăp jang lơ̆m kơpal teh, pơih xă tơdrong pơtruh bơngai Việt Nam năm pơhrăm păng pơm jang tơ̆ teh đak Nhâ̆t, tơdrong đei ƀôh lơ̆ma pŭng plenh teh đei hloi tơpôl tơ̆ tơring  Biển Đông păng Hoa Đông.

Lan chih păng pơre nơ̆r