VOV4.Bahnar - Apu\ng Lạc Dương, dêh char Lâm Đồng đei lơ tơ drong ‘lơ\ng vă ato\k tơ iung choh jang xa hăm kơ măy kơ mo\k ‘nao. Tơ drong jang pơ tăm pơ kao hăm kơ măy kơ mo\k ‘nao hơ nhăk io\k yoa truh kơ hre\ng triu, [ât lăp kơ ti hlak jên 1 sơ năm. Mă loi, tơ\ âu hlôi đei 1,2 ‘nu bơ ngai jang rơ gei tơ\ tơ ring kon kông. {lep [ât blu\ng sơ năm ‘nao, hơ pơi kơ mih ma duch nă păng bôl boăl truh dăr lăng trong pơ tăm pơ kao te\ch tơ\ te\h đak đe đơ\ng unh hnam [ok Krajan Sin (bơ ngai K’Ho) tơ\ kueng kơ pho# Đăng Ya, th^ trơ\n Lạc Dương, apu\ng Lạc Dương, dêh char Lâm Đồng.

Hăm hlo\h 2 sao te\h je# an^h chă tơ mang lăng Lang Biang, unh hnam [ok Krajan Sin, 1 ‘nu bơ ngai jang chu\n tơ\ Kueng kơ pho# Đăng Ya, th^ trơ\n Lạc Dương, apu\ng Lạc Dương, dêh char Lâm Đồng tơ le\ch jên pơm hnam kơ m^l kle\p ‘lơ\ng vă pơ tăm pơ kao hông. Tơ\ âu, tơ drong tơ ruih đak ku\m đei unh hnam tơ le\ch jên răt kơ măy tơ ruih ‘mơ ‘met đơ\ng Israel. {ok Krajan Sin ăn tơ băt, tơ drong vei rong păng săy pho\ng ăn pơ kao tôch [ônh, yoa đei jang hăm kơ măy ‘nao ngăl. Tơ drong tơ ruih đak ăn pơ kao, lăp tưk kâu yao ‘no\h blưi blai đak đơ\ng đak kuay to\k, ro kiơ\ đơ\ng tơ ruih đak ‘mơ ‘met jơ\p lơ\m pơ gar hloi; da [iơ\ hiong ko\ng jang hai, ‘mơ ‘met đei đak hai.

Pơ gar hông đei jang hăm kơ măy kơ mo\k ‘nao đơ\ng [ok Krajan Sin

{ok Krajan Sin ăn tơ băt, jên tơ le\ch jang blu\ng a vă pơm đing, kơ măy tơ ruih đak ‘mơ ‘met âu hlo\h 500 triu: “Găh ki thuơ\t pơ tăm păng vei rong pơ kao hăm kơ măy kơ mo\k ‘nao âu inh ho\k io\k đơ\ng ‘nho\ng o\h lơ\m pơ lei, dôm bơ ngai pơ tăm pơ kao hơ drol. Đe sư băt ki thuơ\t pơ tăm păng vei rong thoi yơ ba adrin ho\k kiơ\ thoi no\h. ‘Ngoăih kơ ‘no\h kơ dih kâu inh jang răh, chih io\k tơ drong kăl mă kơ dih băt hai.”

Gơ nơm jang kiơ\ kơ măy kơ mo\k ‘nao, kơ na pơ gar pơ kao hông unh hnam [ok Krajan Sin le\ch pơ kao tih ‘lơ\ng, đei lơ an^h te\ch mơ dro pơ kao răt io\k te\ch tơ\ lơ tơ ring lơ\m te\h đak nhen plt Hồ Chí Minh, Đà Nẵng, Hà Nội, hăm kơ jă tôch sơ đơ\ng ‘no\h 1.500 hlak 1 pôm dơng. Pơ kao hông kăt te\ch prăt sơ năm, kơ na lơ\m sơ năm âu ki, mă đơ\ng [ơm ưh ‘lơ\ng đơ\ng j^ covid-19, mă lei unh hnam [ok oei io\k đei loi 200 triu hlak jên đơ\ng ro\ng trư tôm jên jang:

“Pơ tăm pơ kao hăm kơ măy ‘nao tơ drong arih xa lơ\m unh hnam hiôk sơ đơ\ng [iơ\ kơ jang pơ gar hmă. Pơ tăm pơ kao hăm kơ măy ‘nao âu sư đei yoa [iơ\ kơ pơ tăm che\h phe păng ‘long mur. Che\h phe ‘no\h 1 sơ năm lăp phe\ 1 ‘măng đe\ch, oei pơ kao pơ tăm hăm kơ măy ‘nao păng ‘long mur ‘no\h unh hnam gơ\h phe\, kăt te\ch prăt sơ năm. Pơ tăm pơ kao hăm kơ măy ‘nao âu inh pơ tăm đei hlo\h 7 sơ năm bơ\ih, mă lei oei io\k yoa sơ đơ\ng, đei yoa lơ [iơ\ kơ pơ tăm ‘long mur, trong jang pơ tăm pơ kao hăm kơ măy ‘nao âu ưh gan đei sơ drông phă nhen ‘long mur, ‘nhot, kơ na unh hnam sơ đơ\ng jơ hngâm jang kiơ\ trong jang ‘nâu.”

{ok Krajan Sin tơ che\ng lơ\m sơ năm ‘nao âu, pơ gar pơ kao hông pơ tăm hăm kơ măy ‘nao đơ\ng unh hnam [ok gô io\k đei đơ\ng 1.500 truh 2.000 to\ dơng. Dang ei, lơ an^h te\ch pơ kao tơ\ Đà Lạt hlôi pơm hla ar răt io\k đ^ pơ kao hăm kơ jă sơ đơ\ng, kơ na unh hnam [ok ưh đei hli te\ch ưh hlot kiơ. Mât lơ\m sơ năm ‘nao 2021, hăm tơ drong juăt jang pơ kao lơ sơ năm, ku\m hăm tơ drong tơ gu\m đơ\ng khul kơ dră tơ ring păng an^h jang kơ pal, [ok Krajan Sin vă adrin yak hlo\h mơ mat tat, kho\m jang to\k:

“Mih ma duch nă nhôn, dôm bơ ngai jang chu\n mir hơ pơi ‘me\h lơ\m sơ năm ‘nao âu jang xa hiôk hian, hơ pơi ‘me\h j^ covid-19 jăh đ^ vă pơ kao păng dôm tơ mam nai đơ\ng nhôn jang đei gơ\h te\ch hiôk hian, sơ đơ\ng jơ hngâm jang xa. Mă đơ\ng j^ covid tam mă băt đ^ lai yơ, mă lei unh hnam nhôn oei adrin pơ tăm pơ kao hăm kơ măy ‘nao âu, hăm đon hơ me\ng tơ drong arih xa gơ\h hiôk sơ đơ\ng, ‘lơ\ng hơ iă [iơ\ kơ sơ năm sơ\.”

{ok Krajan Sin hăm pơ gar hông pơ tăm hăm kơ măy kơ mo\k ‘nao

Kiơ\ kơ so# chih jo#, hrei ‘nâu tơ\ th^ trơ\n Lạc Dương, dêh char Lâm Đồng đei dang 200 unh hnam kon pơ lei pơ tăm pơ kao hông hăm kơ măy kơ mo\k ‘nao tơ plih ăn pơ tăm pơ kao lơ\m pơ gar hmă dăh mă pơ tăm ‘nhot, ‘long mur păng che\h phe nhen adrol ki. Ako\m đ^ đăng te\h pơ tăm pơ kao hông xă dang 1.000 hecta. Gơ nơm thoi no\h, pơ kao te\ch [ônh hlot păng pơ kao tơ\ tơ ring âu ku\m tih ‘lơ\ng [iơ\ kơ pơ kao tơ\ 1,2 pơ lei pơ tăm pơ kao đei ư hơ nhang adrol ki tơ\ Đà Lạt. {ok Đinh Chí Công, jang tơ\ An^h vei lăng choh jang xa păng ato\k tơ iung tơ ring tơ rang apu\ng Lạc Dương,  dêh char Lâm Đồng ăn tơ băt:

“Lơ\m dôm sơ năm âu ki, tơ drong tơ mât yoa kơ măy kơ mo\k ‘nao lơ\m tơ drong choh jang xa tơ\ apu\ng Lạc Dương đei bơ\ jang tôch pran, lơ\m no\h đei lơ kon pơ lei kon kông kơ tă tơ\ Tây Nguyên oei xa lơ\m th^ trơ\n Lạc Dương âu hai. Tơ drong jang kiơ\ kơ măy kơ mo\k ‘nao âu sư găn [iơ\ sơ drông phă, to\ ‘mi kial kơ ne# pơ răm. Kiơ\ đơ\ng choh jang xa hăm kơ măy kơ mo\k ‘nao kon pơ lei kon kông Tây Nguyên đei tơ drong arih xa sơ đơ\ng [iơ\, trong jang pơ tăm pơ kao hông âu 1ha jo# păh lăp 1 sơ năm io\k đei 1 ti hlak jên. Hăm unh hnam [ok Sin âu pơ tăm pơ kao hăm kơ măy kơ mo\k ‘nao lơ\m pơ gar xă 2 sao, 1 sơ năm unh hnam [ok ku\m io\k đei hlo\h 200 triu, tơ drong arih xa lơ\m unh hnam roi to\k”.

Hăm tơ drong ‘lơ\ng đơ\ng te\h, to\ ‘mi kial păng dôm tơ drong tơ gu\m đơ\ng dêh char, Lâm Đồng hlôi păng to\k bo\k pơ jing đei jơ hnơr kon pơ lei jang chu\n mir rơ gei, đei ho\k pơ hrăm lơ, io\k tơ drong choh jang xa vă bơ\ jang, lơ\m no\h đei lơ bơ ngai kon kông jang rơ gei nhen unh hnam [ok Krajan Sin tơ\ th^ trơ\n Lạc Dương. Trong jang âu tơ dăh đei pơih xă, ‘no\h kon pơ lei kon kông tơ\ âu gô đei tơ drong ‘lơ\ng vă jang ato\k tơ iung mu\k drăm, vei sơ đơ\ng tơ drong arih xa păng jang to\k pơ dro\ng.

K’Brọp: Chih

Dơ\ng: Tơ blơ\