VOV4.Bahnar - Hơnơ̆ng bơ̆ jang kơ ‘Măng Hop akŏm 11, năr au, năr 31/3, Kuô̆k hô̆i bơ̆ jang tơ̆ Hnam hop akŏm tơm păng ‘măn jơ ‘năr ăn bơ̆ jang hơlen Kơdră kơpal, sơkơ̆t hơdăh lơ kơchưk kơdră chĕp pơgơ̆r Kuô̆k hô̆i. Găh kơchư̆k Kơdră chĕp pơgơ̆r Kuô̆k hô̆i, ƀok Vương Đình Huệ - Kơdră jang lơ̆m Dơnŏ anĭh tơm Chĭnh trĭ, Bí thư Đảng pơlei tơm Hà Nội, Bí thư Bộ Tư lệnh Thủ đô, Kơdră Khŭl Kơdră tang măt Kuô̆k hô̆i pơlei tơm Hà Nội ‘nŏh bơngai đei tơbăt ăn vă Kuô̆k hô̆i pôk tơmơ̆t tơplĭh yă Nguyễn Thị Kim Ngân hlôi đei Kuô̆k hô̆i tăh hla tơlĕch jang.

Lơ̆m jơ bơ̆ jang tơ̆ pơgê, Dơnŏ anĭh chĕp pơgơ̆r Kuô̆k hô̆i tơroi tơbăt ăn Kuô̆k hô̆i pơtôch pơma dơnŭh tơ̆ Khŭl păng tơblang hơdăh, tơgoăt iŏk nơ̆r tơgop đơ̆ng Kơdră tang măt Kuô̆k hô̆i găh măt bơngai kơdră vă pôk rơ̆ih pơm Kơdră chĕp pơgơ̆r Kuô̆k hô̆i, Kơdră chĕp pơgơ̆r Jơnŭm pôk rơ̆ih tĕh đak. Kiơ̆ đơ̆ng rŏng ‘nŏh Kuô̆k hô̆i pơma dơnŭh, pơdrơ̆ng nơ̆r hơnăn kơdră păng pôk tơmơ̆t kơdră chĕp pơgơ̆r Kuô̆k hô̆i, Kơdră chĕp pơgơ̆r Jơnŭm pôk rơ̆ih teh đak hăm tăh hla hrĕp. Jei lơ̆m jơ bơ̆ jang năr au, Dơnŏ anĭh chĕp pơgơ̆r Kuô̆k hô̆i pơtrŭh ăn Kuô̆k hô̆i tăh hla tơlĕch jang mĭnh ƀả ‘nu Kơ iĕng Kơdră chĕp pơgơ̆r Kuô̆k hô̆i adoi pơtrŭh ăn hla bơar chĭh hơnăn kơdră kơpal pơtăl ăn.

Tơblơ̆ nơ̆r: Amazưt

VOV4.Bahnar - Hơnơ̆ng bơ̆ jang kơ ‘Măng Hop akŏm 11, năr au, năr 31/3, Kuô̆k hô̆i bơ̆ jang tơ̆ Hnam hop akŏm tơm păng ‘măn jơ ‘năr ăn bơ̆ jang hơlen Kơdră kơpal, sơkơ̆t hơdăh lơ kơchưk kơdră chĕp pơgơ̆r Kuô̆k hô̆i. Găh kơchư̆k Kơdră chĕp pơgơ̆r Kuô̆k hô̆i, ƀok Vương Đình Huệ - Kơdră jang lơ̆m Dơnŏ anĭh tơm Chĭnh trĭ, Bí thư Đảng pơlei tơm Hà Nội, Bí thư Bộ Tư lệnh Thủ đô, Kơdră Khŭl Kơdră tang măt Kuô̆k hô̆i pơlei tơm Hà Nội ‘nŏh bơngai đei tơbăt ăn vă Kuô̆k hô̆i pôk tơmơ̆t tơplĭh yă Nguyễn Thị Kim Ngân hlôi đei Kuô̆k hô̆i tăh hla tơlĕch jang.

Lơ̆m jơ bơ̆ jang tơ̆ pơgê, Dơnŏ anĭh chĕp pơgơ̆r Kuô̆k hô̆i tơroi tơbăt ăn Kuô̆k hô̆i pơtôch pơma dơnŭh tơ̆ Khŭl păng tơblang hơdăh, tơgoăt iŏk nơ̆r tơgop đơ̆ng Kơdră tang măt Kuô̆k hô̆i găh măt bơngai kơdră vă pôk rơ̆ih pơm Kơdră chĕp pơgơ̆r Kuô̆k hô̆i, Kơdră chĕp pơgơ̆r Jơnŭm pôk rơ̆ih tĕh đak. Kiơ̆ đơ̆ng rŏng ‘nŏh Kuô̆k hô̆i pơma dơnŭh, pơdrơ̆ng nơ̆r hơnăn kơdră păng pôk tơmơ̆t kơdră chĕp pơgơ̆r Kuô̆k hô̆i, Kơdră chĕp pơgơ̆r Jơnŭm pôk rơ̆ih teh đak hăm tăh hla hrĕp. Jei lơ̆m jơ bơ̆ jang năr au, Dơnŏ anĭh chĕp pơgơ̆r Kuô̆k hô̆i pơtrŭh ăn Kuô̆k hô̆i tăh hla tơlĕch jang mĭnh ƀả ‘nu Kơ iĕng Kơdră chĕp pơgơ̆r Kuô̆k hô̆i adoi pơtrŭh ăn hla bơar chĭh hơnăn kơdră kơpal pơtăl ăn.

Tơblơ̆ nơ̆r: Amazưt