VOV4.Bahnar - Pơ gê 8/4, Kuô̆k hô̆i drơ̆ng nơ̆r ăn tơ drong Tơ chơ̆t pôk hơ tŏk mĭnh kơ sô̆ Phó Thủ tướng tĕh đak, dôm bơ ngai jang lơ̆m Khul kơ dră tĕh đak nai jăl jang đơ̆ng 2016-2021. 455 lơ̆m kơ sô̆ 459 ‘nu bơ ngai tang măt drơ̆ng nơ̆r ăn tơ drong tơ chơ̆t, iŏk đei 94,79% akŏm đĭ đăng kơ sô̆ bơ ngai tang măt.

Hơ păh pơ kao hơ iă hăm dôm bơ ngai ‘nao đei Kuô̆k hô̆i pôk hơ tŏk

Kiơ̆ kơ ‘nŏh, Kuô̆k hô̆i hlôi drơ̆ng kiơ̆ nơ̆r athei đơ̆ng Thủ tướng Phạm Minh Chính găh tơ drong pôk hơ tŏk Phó Thủ tướng tĕh đak hăm ƀok Lê Minh Khái (Bí thư Trung ương Đảng, sơ̆ pơm Kơ dră Anih dăr hơ len kơ Khul kơ dră tĕh đak) păng ƀok Lê Văn Thành (Kơ dră jang lơ̆m Trung ương Đảng, Bí thư đảng plt Hải Phòng). Hơ dai lơ̆m năr, Kuô̆k hô̆i hlôi pôk hơ tŏk 12 ‘nu bơ ngai jang lơ̆m Khul kơ dră tĕh đak.

Dơ̆ng: Tơ blơ̆