VOV4.Bahnar - Năr ‘nâu, 25/10, Kuôk hô̆i pơ ma dơ nuh trực tuyến găh Luơ̆t hơ met ming, tơ mơ̆t dơ̆ng 1,2 hơ păng đơ̆ng Luơ̆t tơ kêng tơ drong yoch; luơ̆t hơ met ming, tơ mơ̆t dơ̆ng 1,2 hơ păng đơ̆ng Luơ̆t chih jô̆ păng pơ ma dơ nuh tơ̆ grŭp găh Luơ̆t tĕch mơ dro ƀao hiêm ( hơ met ming). Lơ̆m ‘năr 24/10, Kuôk hô̆i hlôi pơ ma dơ nuh trực tuyến găh dôm hla ar tơ roi tơ băt tơ drong jang đơ̆ng Chánh án Anih sek tơ lang kon pơ lei gĭt kăl, Kơ dră Anih jang dăr hơ len kon pơ lei gĭt kăl; tơ drong jang tang găn pơm yoch păng pơm glăi khôi luơ̆t; tơ drong jang pơm kiơ̆ sek phak; tơ drong jang tang găn sa pơ jĭp sơ năm 2021; Hla ar chih ming tơ drong tơ chơ̆t găh pơ gơ̆r ‘măng sek tơ lang trực tuyến. Tơ drong tơm đei lơ bơ ngai tang măt bơ ngơ̆t truh pơ ma dơ nuh ‘noh jĭ găh pơ gơ̆r sek tơ lang trực tuyến păng tơ drong jang tang găn sa pơ jĭp. Lơ bơ ngai tang măt akhan, tơ drong sa pơ jĭp pơm pơ joăl ăn kon pơ lei, anih jang mơ dro sa lơ̆m anih hành chính, pơ vih pơ văn teh đak, mă loi ‘noh jĭ, lơ̆m tơ drong jang kŏng an, khŭl linh, jang pơ gang, đei 1 khŭl jang ưh kơ iĕ sa pơ jĭp kơ tang, athei tơ chă pŭ hơ năp sek phak.

Thuem: Tơ blơ̆