VOV4.Bahnar - Pơgê năr 20/10, tơ̆ Hnam hop akŏm Diên Hồng, kơ yuơ Kơdră chĕp pơgơ̆r Kuô̆k hô̆i Vương Đình Huệ chĕp kơ̆l, Kuô̆k hô̆i hlôi pơgơ̆r blŭng a ‘Măng hop akŏm mă ƀar Kuô̆k hô̆i jăl XV kiơ̆ trong pơgơ̆r trư̆k tuyên tơ̆ hơnĭh pơdăh tơm Hnam hop akŏm Diên Hồng, Hnam Kuô̆k hô̆i păng 62 hơnĭh pơdăh tơ̆ rim dêh char, pơlei tơm.

Kiơ̆ trong hlôi đei tơlĕch ăn, tơ̆ hop akŏm au, Kuô̆k hô̆i gô lăng hơlen, pơdrơ̆ng kiơ̆ 2 tơdrong vă pơjing khôi luơ̆t, 5 trong pơjing ăn tơchơ̆t păng ăn tơgop nơ̆r 5 tơdrong vă pơjing khôi luơ̆t. Kuô̆k hô̆i lăng hơlen rim hla bơar chĭh tơbăt bơ̆ jang đơ̆ng Khŭl kơdră Tĕh đak găh hơlen pơtôch jang kiơ̆ trong vă jang atŏk tơ iung mŭk drăm-tơpôl păng kon jên tĕh đak sơnăm 2021; lăng hơlen păng tơchơ̆t trong vă jang atŏk tơ iung mŭk drăm-tơpôl sơnăm 2022, trong pơ prŏ kon jên vă jang tĕh đak păng klăh asong kon jên bơ̆ jang Trung ương sơnăm 2022 păng Trong vă jang Jên hu-kon jên mong tĕh đak 3 sơnăm 2022-2024; tơdrong pơđunh khei ‘năr jang kiơ̆ hơmet ming kon jên khei kiơ̆ Tơdrong tơchơ̆t đơ̆ng Trung ương păng Kuô̆k hô̆i; bơ̆ jang tang găn jĭ Covid-19 păng tơdrong jang kiơ̆ Tơdrong Tơchơ̆t kơsô̆ 30/2021/QH15 ‘măng hop akŏm mă blŭng, Kuô̆k hô̆i jăl XV; lăng hơlen, tơchơ̆t Trong vă jang hơmet ming tơdrong jang mŭk drăm jăl jang 2021-2025, Pơ prŏ iŏk yua tĕh kơ tĕh đak jăl jang 2021-2030, lăng trŭh sơnăm 2050 păng trong vă jang iŏk yua tĕh 5 sơnăm jăl jang 2021-2025 păng mĭnh ƀar tơdrong kăl anai.

Tơblơ̆ nơ̆r: Amazưt