VOV4.Bahnar – Pơtoi kơ tơdrong hop ako\m mă 9, ‘năr âu (25/5) Kuôk ho#i pơm jang ăh gie\ng mă 2. Lơ\m gie\ng âu, rim bơngai tang măt ăn Kuôk ho#i tơgop nơ\r lơ\m lơ tơdrong jang kăp g^t. Lơ\m noh, tơre\k hloh lơ\m gie\ng âu gô pơgơ\r tơdrong pơma dơnuh kơtă, Kuôk ho#i tơmơ\ng Khul jang hơlen tơroi găh tơdrong tơle\ch jang kiơ\ pơkăp, kơluơ\t tang găn păng tơjră teh dong hơ ioh. Duh lơ\m gie\ng âu, dôm tơdrong chih ako\m Luơ\t đei tơgop nơ\r noh: Tơdrong chih ako\m luơ\t axong jang (hơmet ming); chih ako\m luơ\t hơdruh tơdăm (hơmet ming); chih ako\m hơmet luơ\t tang găn păng tơjră ‘mi kial cham char pơrăm păng luơ\t hơbong thong đak... Kuôk ho#i duh tơmơ\ng tơroi găh: Tơdrong tơchơ\t jang kơ teh đak găh hơto\k mu\k drăm tơpôl tơring kon pơlei kon kông păng groi kông xơnăm 2021-2030; Tơroi tơchơ\t jang kơ teh đak găh hơto\k mu\k drăm tơpôl tơring kon pơlei kon kông păng groi kông xơnăm 2021-2030 păngt ơgop nơ\r lơ\m chih ako\m Tơchơ\t kơ Kuôk ho#i găh tơjur thue# yua teh choh jang xa.

Lan chih păng rapor