VOV4.Bahnar – Pơtoi kơ tơdrong jang ăn 'Măng hop akŏm mă 2, Kuôk hô̆i jăl 15, pơgê năr (8/11), Kuôk hô̆i hop akŏm tơ̆ Hnam Kuôk hô̆i, pơma đam găh tơdrong đei jơnei lơ̆m pơm jang kiơ̆ pơkăp hơtŏk mŭk drăm – tơpôl xơnăm 2021; pơkăp hơtŏk mŭk drăm – tơpôl xơnăm 2022; tơroi găh tơdrong jang tang găn păng tơjră pơrang jĭ COVID-19 păng pơm kiơ̆ Tơchơ̆t kơsô̆ 30 găh 'Măng hop akŏm mă mônh, Kuôk hô̆i jăl 15. Tơgop nơ̆r lơ̆m tơdrong pơm kiơ̆ pơkăp hơtŏk mŭk drăm – tơpôl xơnăm 2021, lơ bơngai tang măt adoi akhan, axong jang kơ teh đak jing minh lơ̆m dôm tơdrong kăp gĭt hloh vă hơtŏk mŭk drăm. Lơ bơngai tang măt akhan, vă hơmet păng hơtŏk mŭk drăm kiơ̆ pơkăp jang 'nao, kăl tơrĕk găh tơgŭm anih jang mŭk drăm găn hloh tơnap tap, xơđơ̆ng pơm jang.

Lan chih păng pơre nơ̆r