VOV4.Bahnar - Hơnơ̆ng bơ̆ jang hop akŏm mă 11, hop akŏm tơpôl tơ̆ Hnam hop akŏm tơm năr 26/3, Kuô̆k hô̆i hlôi pơma dơnŭh găh Hla bơar chĭh tơbăt bơ̆ jang lơ̆m jăl jang XIV kơ Kuô̆k hô̆i; rim hla bơar chĭh tơbatw tơdrong bơ̆ jang jăl jang mă XIV kơ Dơnŏ anĭh chĕp pơgơ̆r Kuô̆k hô̆i, Jơnŭm vei lăng Kon kông, rim hơnĭh bơ̆ jang kơ Kuô̆k hô̆i.

Rup hop akŏm

Tơgop nơ̆r đơ̆ng rim kơdră tang măt Kuô̆k hô̆i sơkơ̆t hơdăh, lăng dơ̆ng jăl jang 5 sơnăm, Kuô̆k hô̆i jăl XIV hlôi hơnơ̆ng atŏk kơtang hơnăp jang, tơdrong hơdron kơtang vă jang keh đang tơdrong tơlech jang. Jăl jang Kuô̆k hô̆i XIV hlôi jơnei ‘lơ̆ng hơ iă đơ̆ng tơdrong pơjing khôi luơ̆t, dăr lăng, tơchơ̆t tơdrong kăl kơ tĕh đak trŭh jang tơbôl nghĭ viê̆n, tơgop hơnhăk tĕh đak pran kơ jăp yak hlŏh tơnap tap, pơjing đei hơyak pran kơtang lơ̆m tơdrong erŭh sa, mŭk drăm-tơpôl, vei lăng tĕh đak, sơđơ̆ng pơlei pơla, jang tơbôl, hơmet pơ ‘lơ̆ng păng atŏk kơtang tơdrong erĭh sa sơđơ̆ng ăn kon pơlei. Rim tơdrong tơchơ̆t đơ̆ng Kuô̆k hô̆i hơnơ̆ng atŏk kơtang đơ̆ng jơhngơ̆m đon, tơdrong ‘mĕh vă kơ kon pơlei, tơdrong đei iŏk yua ăn tĕh đak, đơ̆ng tơdrong ‘mĕh vă atŏk tơ iung kơ tĕh đak.

Tơblơ̆ nơ̆r: Amazưt