VOV4.Bahnar - Hơnơ̆ng pơgơ̆r hop akŏm, pơgê au, năr 6/1 tơ̆ 10 khŭl lơ̆m Hnam Kuô̆k hô̆i păng 62 Khŭl tơ̆ tơring, rim kơdră tang măt Kuô̆k hôi pơma dơnŭh găh Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Tĕh đak tơmơ̆t jên jang, Khôi luơ̆t Tơmơ̆t jên jang kiơ̆ trong jang hơdoi Tĕh đak hăm kon pơlei, Khôi luơ̆t Tơmơ̆t jên jang, Khôi luơ̆t rơ̆ih iŏk bơngai tơmơ̆t jên jang, Khôi luơ̆t Ŭnh hơyŭh, Khôi luơ̆t Mơdro sa, Khôi luơ̆t Thuê̆ tĕch mơdro gĭt kăl, Khôi luơ̆t xek tơlang. Tơdrong hơmet ming tơmơ̆t dơ̆ng mĭnh ƀar apăng kơ 8 khôi luơ̆t vă hơmet pơ ‘lơng tôm tong rim trong bơ̆ jang đơ̆ng Đảng păng tơtom hơmet pơ ‘lơ̆ng tơnap tap, tơhlăk tơhlĭn lơ̆m yan au. Kơsơ̆ au, rim kơdră tang măt jei pơma dơnŭh tơ̆ khŭl găh: Tơdrong jang tơmơ̆t jên jang Tơdrong vă jang pơm trong glung rĕnh Tu-Pơbăh găh Hơlĕch jăl jang 2021-2025 păng Trong pơ prŏ ăn Tơchơ̆t jang pơlong năng minh ƀar trong jang kăl atŏk tơ iung pơlei tơm Cần Thơ.

Tơblơ̆ nơ̆r: Amazưt