VOV4.Bahnar – Pơtoi kơ tơdrong hop akŏm mă mônh, Kuôk hô̆i jăl 15, 'năr âu (22/7), rim bơngai tang măt tơmơ̆ng minh ƀar tơdrong tơroi kăp gĭt, lơ̆m noh tơroi găh tơdrong jang hơtŏk mŭk drăm – tơpôl, jên mong kơ teh đak 6 khei blŭng xơnăm păng dôm trong tơchơ̆t hơtŏk jang mŭk drăm – tơpôl, jên mong ăh 6 khei jê̆ đĭ xơnăm; tơchơ̆t jang hơtŏk mŭk drăm tơpôl 5 xơnăm 2021-2025.

          Pơtoi kơ noh tơroi đơ̆ng Anih jang  Trung ương Măt trâ̆n tôh kuôk Việt Nam akŏm nơ̆r tơgop pơtruh đơ̆ng kon pơlei ăn 'măng hop akŏm mă mônh, Kuôk hô̆i jăl 15; Hla bar chih tơbang hơlen găh tơchơ̆t hơtŏk mŭk drăm – tơpôl 5 xơnăm 2021-2025. Ăh kơsơ̆, Kuôk hô̆i pơma đam kiơ̆ khul xơkơ̆t tơdrong pơm kiơ̆ pơkăp hơtŏk mŭk drăm tơpôl, jên mong kơ teh đak 6 khei blŭng xơnăm păng dôm trong jang hơtŏk mŭk drăm tơpôl, jên mong kơ teh đak 6 khei hơtuch xơnăm  2021; Tơchơ̆t hơtŏk mŭk drăm – tơpôl 5 xơnăm đơ̆ng 2021-2025.

Lan chih păng pơre nơ̆r