VOV4.Bahnar - Pơ gê hei (08/11) ‘Măng hop akŏm mă 2, Kuôk hô̆i ( jăl 15) pơ tơm ‘măng hop akŏm mă 2, hop akŏm tơ̆ Hnam Kuôk hô̆i ( đơ̆ng năr ‘nâu ‘năr 08/11 truh ‘năr 13/11). Kăl kơ lăng truh, Kuôk hô̆i gô ‘măn 2 năr blŭng a vă pơ ma dơ nuh găh muh drăm - tơ pôl păng jên jang teh đak. Kuôk hô̆i kŭm ‘măn 2 năr 1 puăt vă pơ gơ̆r apĭnh jet păng tơl nơ̆r apĭnh jet. 1 lơ̆m dôm tơ drong tơm gĭt kăl kơ ‘măng hop akŏm mă 2 ‘noh jĭ Kuôk hô̆i pơ gơ̆r apĭnh jet păng tơl nơ̆r apĭnh jet.

Thủ tướng păng 4 Kơ dră tơm gô tơl nơ̆r apĭnh ‘noh: Kơ dră Anih tơm vei lăng găh jang pơ gang Nguyễn Thanh Long; Kơ dră Anih tơm vei lăng găh Bơ ngai jang Linh jĭ rơ ka păng Tơ pôl Đào Ngọc Dung; Kơ dră Anih tơm tơ lĕch nơ̆r sơ kơ̆t păng tơ mơ̆t jên jang Nguyễn Chí Dũng păng Kơ dră Anih tơm vei lăng găh pơ tho pơ hrăm Nguyễn Kim Sơn. Đơ̆ng rŏng kơ 4 Kơ dră tơm tơ̆l lơ̆m ‘măng apĭnh jet, Thủ tướng teh đak gô tơ roi tơ băt kơ Kuôk hô̆i păng tơl nơ̆r apĭnh dôm tơ drong bơ ngai tang măt bơ ngơ̆t truh.

Thuem: Tơ blơ̆