VOV4.Bahnar - Hnam k^ tu\k xă Khoa Y - Hnam trưng Đại học Tây Nguyên đei axong jên man hloh 35 tih hlak jên đơ\ng te\ch Trăi ph^u teh đak mă lei yuơ anih man ưh kơ [lep noh dang ei mă hăt noh axong ăn unh hnam kang [o# thuê oei. Tơre\k hloh noh, tơdrong ming man kơ tih hlak jên âu ming man ưh kơ đei kjăp, pơtơm io\k yua đei 3 xơnăm mă hlôi tenh kuăng hư răm, pơm hoach jên mong kơ teh đak.

Hnam k^ tu\k xă Khoa Y - Hnam trưng Đại học Tây Nguyên đei man tơ\ tơring kon pơlei, lơ\m kueng kpho# 12, phường Tân Thành, plei tơm Buôn Ma Thuột, dêh char Đak Lak. Hnam man tih xă, hăm 2 hơbon hnam 5 tăl, vă axong anih oei ăn pơhlom 1000 ‘nu sinh viên. Mă lei, yuơ man tơ\ anih ataih đơ\ng hnam trưng, ưh kơ đei tơdrong kăl, ưh kơ hiôk găh tơdrong vih vơ\t, oei xa păng ho\k pơhrăm ‘nâu nai; kjă thuê lăm oei noh kăp, lơ\m kplăh noh hnam ưh kơ đei ‘lơ\ng noh ưh kơ gan đei sinh viên truh oei; dăh mă oei to\ xe\t năr noh jăk tơ\ nai: “Inh hơnăn Hà Minh Tài,  sinh viên xơnăm mă 3, khoa Y, Đại học Tây Nguyên.

(PV) E hăm băt K^ tu\k xăh khoa Y, Hnam trưng Đại học Tây Nguyên ưh?

Inh oei tơ\ noh 2 khei ăh xơnăm ho\k mă mônh, mă lei yuơ ataih đơ\ng hnam trưng noha thei tơplih anih oei tơje# hnam trưng. Oei tơ\ noh athei đei gre vih vơ\t, tơ\ âu noh tơje#, năm ho\k [ônh hloh. Yuơ tơ\ âu kjă thuê adoi reh hloh, ưh kơ hrăt hrot nhen lơ\m k^ tu\k xăh ôh”.

{ok Nguyễn Văn Cương – Kdră anih jang găh ho\k tro – sinh viên, Hnam trưng Đại học Tây Nguyên ăn tơbăt, mă hlôi pơtruh tơdrong tơbang ăn tôm ho\k tro – sinh viên dôm hnam trưng cao đẳng, trung cấp chuyên nghiệp lơ\m tơring kơ plei tơm Buôn Ma Thuột, mă lei kxo# bngai truh thuê lăm oei tơ\ k^ tu\k xă Khoa Y noh to\ xe\t đe\ch, Tơdrong tơm noh yuơ tơdrong man hnam âu ưh kơ [lep hăm tơdrong kăl kơ sinh viên; ưh kơ đei lăm atu\m vă ho\k hôp, ho\k pơhrăm; ưh kơ đei dôm tơdrong kăl nhen căng-tin, hnam ‘măn gre, cham pơhiơ\ pơxuh... {ok Nguyễn Văn Cương pơngơ\t kơ đon găh tơdrong ưh kơ [lep đơ\ng tơdrong man hnam âu: “K^ tu\k xăh Khoa y man tơ\ anih ataih đơ\ng hnam trưng, gre vih vơ\t ưh kơ đei, ưh kơ đei minh tơdrong kăl kiơ hloi; mă hăt noh ăn dôm kang [o#, ho\k tro tơ\ hnam trưng nai chă thuê, tơdrong mă noh ưh kơ [lep ôh. Mă blu\ng đe xư man đang hnam, pơjao ăn kơ nhôn noh nhôn ưh kơ axong bngai nai truh oei, adro# vei hơlen đunh khei năr đe\ch. Đơ\ng ro\ng kơ noh dăng tơlei unh hơyuh, pơlăp đing pơro đak xo\ nhă noh pơtơm axong mơ\t oei”.

Kiơ\ tơdrong bieh pơkăp, tơdrong man hnam âu vă axong anih oei ăn pơhlom 1.000 ‘nu sinh viên, mă lei dang ei mă kăl noh ‘măn ăn kang [o# pơm jang tơ\ plei tơm Buôn Ma Thuột. Lơ\m kxo# 265 ‘nu bngai to\k bo\k mơ\t oei tơ\ âu, adro# đei 112 ‘nu noh sinh viên, oei dôm yơ noh kang [o# kơ hnam trưng Đại học Tây Nguyên păng minh [ar anih jang nai. Lơ kang [o# thuê lăm oei tơ\ âu noh ‘nhăk ba unh hnam oei atu\m, păng kơdih tơplih tơdrong pơyua lăm oei, pơjing he# hang lơng hnam jing hnam pai go\, io\k toăl lơtăng như\a păng kem vă chă dơ\t jră dui tơlei cáp tivi pơm ăn tơring k^ tu\k xă roi kơ lhuêl dơ\ng. Lơ\m kplăh noh, lơ giơng, kơtuh đei răt ‘măn ăn sinh viên ưh kơ đei io\k yua, ‘măn ke\t keng tơ\ hang lơng păng tơ\ jơ\ng kung, pơtơm [ôh brêng bơih.

Lăp ‘nao 3 xơnăm io\k yua mă lei um ai tơ\ ‘ngoaih kơ anih k^ tu\k xă âu hlôi ‘me# ‘mach, lơ\m lăm noh [ôh hư răm. Rok kiơ\ hang lơng, minh [ar anih, găch drơh hlôi pơchăh pơchek. Lơ lăm hu\m, hnam yô chơ gaih păng anih pai go\, bơbu\ng hnam, đak hram [enh [ang, hon rơna [enh găm; drơh hnam noh adoi tơhlơ\t pơgoh. {ok Nguyễn Văn Lan – Kang [o# vei hơlen hnam âu ăn tơbăt: “Tơ\ âu hlôi hơlen kxo# lăm hư bơih, mă mônh noh dôm lăm pai go\ hư găh găch drơh, pơchăh noh đak hram tơ\ tăl ăh hơla. Hnam kxo# 1 âu đei 60 lăm, mă lei pơhlom hloh 20 lăm hlôi răm, oei Hnam kxo# 2 noh tơglơh bơbu\ng tơ\ minh [ar to\ lăm, hnam hu\m noh drơh pơchăh. Lơ lăm hram đak, hnam yô chơ gaih noh đe athei che\p hla du pơdo\ kơlih đak ro đơ\ng kpal. Đe adoi mơ mơnh lơ găh tơdrong ming man ưh kơ kjăp ‘lơ\ng âu”.

Oh Đặng Hồng Tín, sinh viên khoa Y, Hnam trưng Đại học Tây Nguyên, pơlei pơla đơ\ng Quảng Ngãi atu\m hăm 2 ‘nu nai thuê lăm oei tơ\ âu ăn tơbăt, rim ‘măng 3 khei athei ăn 2 triu hlak jên mă lei oei xa ưh kơ xđơ\ng kơlih đak ro hram. To\k bo\k ăh pơyan to# phang, mă lei lăm oei kơ k^ tu\k xă âu, đak adoi oei ro [enh anih pai go\, hnam hu\m păng hnam yô chơgaih. Oh Đặng Hồng Tín tơroi: “Lăm oh oei noh pơngơ\t kơ đon, hăp hơnơ\ng kơtoh đak; rim năr athei pơdo\ đak ro, [enh noh tuh le#. (PV) Minh năr hăm [enh minh kxô noh ưh? Đei hloh 1 kxô noh văi! Lơ\m lăm hu\m, lơ\m hnam yô chơgaih duh ro kơtoh hơnơ\ng đe\ch. Chă yô hu\m ‘nhao dăh mă ôp pơnhan noh hăp adoi ro kơtoh thoi ăi mơ\n, tơnap dêh”.

Kiơ\ jơnu\m pơgơ\r ming man kơ Hnam trưng Đại học Tây Nguyên, noh tơdrong ưh kơ [lep lơ\m tơdrong ming man k^ tu\k xă Khoa Y hlôi tơbang hơdăh đơ\ng pơtơm ming man. Xơnăm 2009, hăm tơdrong tơ ‘ngla axong man, jơnu\m pơgơ\r hnam trưng  Đại học Tây Nguyên vang hopa ko\m atu\m hăm Anih ming man păng tang măt ăn anih vei lăng kon pơlei dêh char Đak Lak vă tơle\ch man k^ tu\k xă/ Đei lơ nơ\r akhan, anih man k^ tu\k xă Khoa y lơ\m cham teh kơ hnam trưng Đại học Tây Nguyên, vă hiôk ăn tơdrong ho\k pơhrăm, oei xa păng vih vơ\t ăn sinh viên, hiôk hloi ăn tơdrong vei hơlen, mă lei ưh kơ đei drơ\ng nơ\r. {ok Nguyễn Tấn Vui - Kdră hnam trưng Đại học Tây Nguyên ăn tơbăt, tơchơ\t đơ\ng hnam trưng kplăh noh yuơ [ok kdră adrol kơ  noh ([ok Nguyễn Xuân Thao), mă lei truh ăh io\k jang ming man noh [ok jing bngai xek tơlang tơdrong đei [ôh. Xơnăm 2012, mă hlôi đei hơlen xkơ\t pơjao, mă lei tam mă tơmơ\t k^ tu\k xă yua hloi ôh, kơlih ưh kơ đei unh hơyuh, ưh kơ đei đak xo\ nhă, ưh kơ đei đing pơro đak djăh ‘me# ‘mach păng ưh kơ đei anih ‘măn gre. Kon pơlei tơ\ tơring adoi lơ ‘măng pơtruh ăn anih vei lăng kon pơlei tơ\ dêh char Đak Lak găh tơdrong ‘me# ‘mach cham char păng tơdrong hoach kư\ kă đơ\ng tơdrong man hnam k^ tu\k xă Khoa Y. Yuơ noh, hnam trưng Đại học Tây Nguyên athei axong jên mong vă pơtoi axong man, xek tơlang tơdrong đei [ôh. Truh dang ei, hnam trưng adoi oei hre kơ dôm anih io\k ming man hloh 3 tih hlak jên yuơ dôm tơdrong tam mă tôm lơ\m ming man, tam mă băt lai yơ mă ke\ klă ăn kơ đe. {ok Nguyễn Tấn Vui tơroi: “Tơdrong axong jên mna mă blu\ng noh nhôn duh hop ako\m pơđăp păng pơkăl tơdrong man tơ\ âu, kơlih teh noh oei đei, ako\m anih k^ tu\k xă, oei tơ\ ‘ngoaih noh ataih, mă lei dêh char ưh kơ drơ\ng nơ\r, dêh char pơkăl man tơ\ anih noh. {ơ\t man đang bơih io\k hơlen mă lei ưh kơ gơh io\k yua. Kơlih minh [ar tơdrong kăl tam mă keh đang; ưh kơ đei unh hơyuh, ưh kơ đei đak, ưh kơ đei đing pơro đak djăh ‘me#. Yuơ noh, ăh inh to\k pơm kdră hnam trưng, athei io\k jên mong kơ hnam trưng vă axong man dơ\ng, tơpă noh anih vei jên axong ăn adrol đe\ch tam mă đei xkơ\t ôh, kơlih ưh kơ [lep hăm pơkăp yua jên mong. Yuơ noh dang ei hnam trưng oei hre găh đe ming man noh 3 tih hlak jên noh pơm pơgia đe\ch, hre ưh kơ ke\ klă ôh”.   

Minh tơdrong ming man ‘măn ăn je# 1.000 ‘nu bngai oei, kơtă ăh anih tơm plei tơm Buôn Ma Thuột (tơring kdra#m kơloăi I kơ dêh char Đak Lak), mă lei ưh kơ đei unh hơyuh, đak xo\ nhă, ưh kơ đei đing pơro đak djăh ‘me#, ưh kơ đei hnam ‘măn gre... mă duh oei đei xkơ\t pơjao ăn anih jang io\k yua. Hloh 35 tih hlak jên đơ\ng jên te\ch Trăi ph^u teh đak axong ăn ho\k tro  – sinh viên, bngai tơnap tap găh hnam oei, mă lei dang ei mă kăl noh ‘măn ăn dôm unh hnam kang [o# tơ\ plei tơm Buôn Ma Thuột. Mă ‘nao io\k yua tam mă truh 1/3 tơdrong kăl pơtêng hăm xkơ\t, păng adro# ‘nao io\k yua dôm xơnăm đe\ch tơdrong ming man hlôi tenh kuăng hư răm. Tơdrong hoach jên âu noh bu chiu pu\ xơnong âu?

                                                                                  Lan chih păng rapor