VOV4.Bahnar - Mă jing minh lơ\m dôm tơring klu\ng đei lơ dơnâu đak tơ\ dêh char Đak Lăk, mă lei apu\ng Lăk duh oei [ơm tơnap tap lơ\m tơdrong axong măh đak xo\ nhă ăn kon pơlei, mă hăt noh ăh pơyan to# phang. Kơtă tơ\ th^ tra#n Liên Sơn, tơje# dơnâu Lăk, dơnâu đak xap tih hloh Tây Nguyên, lơ unh hnam kon pơlei athei năm răt đak vih xo\ nhă. Tơdrong mă âu hlôi đei pơtruh nơ\r hăm anih jang kơpal lơ 'măng bơih, duh lơ 'măng đei chih io\k, mă lei tơdrong ưh kơ măh đak duh oei [ôh hơnơ\ng.

            Duh nhen lơ unh hnam kon pơlei th^ tra#n Liên Sơn, [ok Ngô Công Tâm tơ\ kueng kơpho# Hòa Thắng, hlôi lơ năr athei năm răt đak tuh lơ\m kơthu\ng 'măn xo\ nhă pai xa. Unh hnam đei klo hơkăn, yua đak mong đe\ch, mă lei rim khei duh huach đơ\ng  300.000 – 350.000 hlj: “Hnam inh oei bre klo hơkăn kră đe\ch, minh năr yua 1 kơ[^nh đak 20 lit 'măn xo\ nhă pai xa. Rim năr 1 kơ[^nh noh hơto\k 30 năr hiong 300.000 – 400.000 rơbâu hlj 1 khei. Đak hơlu\ng [ôm hơto\k duh đei mă lei hăp brêng bơih, hu\m'nhao pih hơbăn ao xut hnam đe\ch. Đak [âu păng găm noh ưh gơh xo\ nhă. Kon pơlei tơnap tap yuơ đak xo\ nhă ưh đei. Lơ\m dôm tơdrong hop ako\m kon pơlei tăh hla dăh mă ăh kueng kơpho#, kon pơlei pơtruh nơ\r ăn kơdră kơpal, mă lei đe xư chih io\k đe\ch mă ưh kơ [ôh xek tơlang thoi yơ ăn kon pơlei”

Oei yă Đoàn Thị Hồng tơ\ kueng kơpho# Hòa Thắng ăn tơbăt, đak rơgoh axong ăn kon pơlei lơ\m tơring hlôi răm păng pơm jang ưh đei tơnăp. Đơ\ng lơ xơnăm kơ âu, kon pơlei athei năm răt đak kơ[^nh vih pai xa. Găh hnam yă noh te\ch tơmam xo\ng xa, athei răt 'măn đak kơ[^nh tih pơtơm măh noh huach lơ kon jên. Yă Hồng atu\m hăm kơ hre\ng unh hnam kon pơlei lơ\m tơring 'meh vă anih jang kơpal tơgu\m, pơm trong hiôk vă đei đak xo\ nhă rơgoh xơđơ\ng: “Hnam inh noh te\ch pơdro tơmam xo\ng xa, tơmam pơ iu\ vă te\ch ăh kơchơ th^ tra#n noh yua lơ đak. Pơyan 'mi noh 'măn đak lơ\m brơ\ng 'măn yua, pơyan phang noh đak kơmăi mă lei lơ xơnăm kơ âu hăp hư răm bơih athei răt đak lơ\m kơthu\ng đe\ch bơih. Răt đak lơ\m kơthu\ng noh huach jên, te\ch pơdro ưh đei xa. Akhan oei tơ\ tơring th^ tra#n mă ưh đei đak rơgoh xo\ nhă. Kon pơlei dang ei adro# hơpơi teh đak tơgu\m ming man dơnâu mong đak xo\ nhă rơgoh vă kon pơlei da [iơ\ kơ tơnap”

Tơdrong hơlen đơ\ng Anih vei lăng kon pơlei th^ tra#n Liên Sơn ăn [ôh, ja#p th^ tra#n đei 1.680 unh hnam hăm hloh 6.590 măt bơngai mă lei adro# đei minh dơnâu mong đak rơgoh 150 m3 minh măng năr. Dơnâu mong âu đei man ăh xơnăm 2000 păng dang ei pơm jang ưh đei tơnăp, axong đei đơ\ng 90 – 100 m3 minh măng năr, axong tam mă truh 1/5 tơdrong kăl yua. 

Anih vei lăng kon pơlei th^ tra#n Liên Sơn duh hlôi lơ 'măng pơtruh nơ\r đơ\ng kon pơlei hăm anih vei lăng kon pơlei apu\ng păng hlôi đei chih io\k, mă lei truh khei năr âu, lơ\m tơring tam mă đei thêm dơnâu mong đak rơgoh đei ming man.

Kiơ\ kơ [ok Nguyễn Anh Tú – Kơdră Jơnu\m vei hơlen tơdrong ming man kăl apu\ng Lăk, lơ xơnăm kơ âu, tơdrong ưh kơ măh đak xo\ nhă ưh adro# đei [ôh tơ\ th^ tra#n Liên Sơn mă oei [ôh tơ\ lơ tơring nhen xăh Đak Nuê, Đak Liêng, Buôn Tría… Minh păh kơlih dôm xăh âu tơ\ tơring klu\ng, đak mo\ng hram đak brêng. Pah nai noh, kơlih tôm dơnâu mong đak xo\ nhă rơgoh ako\m minh anih hlôi hư răm, ưh gơh yua.

{ok Nguyễn Anh Tú tơroi, tenh hloh duh athei truh xơnăm 2023, đak rơgoh tơ\ dôm tơring kơ apu\ng Lăk pơtơm đei hơmet pơ 'lơ\ng, hăm  4500 unh hnam kon pơlei đei xo\ nhă đak rơgoh đơ\ng minh tơdrong ming man 3.600 met kho#i  đak lơ\m minh măng năr: “Truh khei năr âu Ho#i đo\ng kon pơlei dêh char Đak Lăk hlôi k^ pơkăp tơdrong axong ming man đei kơjă 90 tih hlj ăn Anih vei lăng kon pơlei apu\ng Lăk man dơnâu mong đak rơgoh. Jăl 1 xơnăm 2021 noh hlôi axong đei 5 tih hlj vă tơle\ch chă hơlen păng bơ\ hla bar pơkăp pơm jang. Păng pơtoi kơ noh, xơnăm 2022 kiơ\ tơle\ch axong jên đơ\ng Anih pơkăp axong ming man noh gô pơtoi tơle\ch jang đơ\ng jăl 2 kơ tơdrong jang gô keh đang lơ\m xơnăm 2023 păng tơmơ\t io\k yua hloi.”

Lan chih păng pơre nơ\r