VOV4.Bahnar - Năr 7/6, Dơnŏ anĭh vei lăng jang pơgang dêh char Lâm Đồng tơbăt, hơnĭh bơ̆ jang hlôi ƀô̆h mĭnh ‘nu bơngai năm oei hơdrô̆ akŏm tơplĭh ăn bơngai ‘nao vĭh đơ̆ng tơring đei jĭ.

Lâm Đồng jang kiơ̆ kơ hret tơdrong tơroi tơbăt jơhngơ̆m jăn hăm rim bơngai ‘nao brŏk đơ̆ng tơring đei jĭ

Lăp đơ̆ng rŏng ƀô̆h tơdrong tơplĭh bơngai kăl ăn năm oei hơdrô̆ akŏm au, khŭl bơ̆ jang hlôi iung jang hơlen hơdăh hơnăn păng tơring oei kơ ƀok Đ.N.D, adoi tĕnh koăng chơ ƀok au năm oei tơ̆ hơnĭh ăn oei hơdrô̆ akŏm kiơ̆ tơdrong tơchơ̆t. Atŭm hăm ‘nŏh tơchơ̆t hloi ăn bơngai tơplĭh năm oei hơdrô̆ ‘nŏh ƀok T.Đ.D jei năm oei hơdrô̆ akŏm hloi. Kiơ̆ đơ̆ng Dơnŏ anĭh vei lăng jang pơgang dêh char Lâm Đồng, tơdrong mă au hlôi pơm glăi tơdrong tơchơ̆t tang găn jĭ Covid-19 păng gô xek tơlang kơ hret mư̆h pơm kiơ̆ đang ăn oei hơdrô̆ lơ̆m 21 năr. Jô̆ đơ̆ng 6 jơ năr 7/6, dêh char tŏk bŏk bŏk ăn oei hơdrô̆ 2.490 ‘nu. Atŭm hăm ‘nŏh, Lâm Đồng đei dơ̆ng khăm hơlen pham 215 ‘nu bơngai jei ư̆h kơ đei ƀô̆h tơpŏh sơmach jĭ SARS-CoV-2.

Tơblơ̆ nơ̆r: Amazưt