VOV4.Bahnar – Bơngai vơ̆r gre ƀơm jĭ Covid-19 âu hơnăn N.M.T. (33 xơnăm, oei tơ̆ thôn 5, xăh Đinh Trang Thượng, apŭng Di Linh), jing bơngai ƀơm jĭ hăm kơsô̆ pơkăp 41056 păng jing bơngai ƀơm jĭ Covid-19 mă 15 kơ dêh char Lâm Đồng. Kiơ̆ tơdrong hơlen pham, T. jang tơ̆ Kŏng ti Thiên Anh, quận 12, plei tơm HCM. Ăh 2 jơ pơgê năr 12/7, T hao gre honđa vih tơ̆ Di Linh.

          Ăh truh anih hơlen pơrang jĭ trong hơ̆ng Chuối (lơ̆m apŭng Đạ Huoai, Lâm Đồng), T tơroi găh y tê̆ mă lei ưh đei tơpăt, tơroi hơlenh noh năm đơ̆ng thĭ trâ̆n Madaguoi (Đạ Huoai) vih noh đei axong găn hloh. Năr 15/7, T hao gre honđa đơ̆ng hnam năm truh Anih jang Y tê̆ phường B'Lao (plei tơm Bảo Lộc) vă test renh Covid-19, đơ̆ng 2 'măng test hơlen noh adoi pơkăp ƀơm jĭ. Đơ̆ng rŏng kơ noh  T đei iŏk pham hơlen kiơ̆ pơkăp RT-PCR tơ̆ Hnam pơgang tơm II Lâm Đồng păng xơkơ̆t ƀơm jĭ SARS-CoV-2. Kiơ̆ kơ ƀok Nguyễn Đức Thuận, Kơdră Anih jang Y tê̆ dêh char Lâm Đồng, anih jang y tê̆ tenh kuăng jang hadoi hăm dôm anih jang kơpal chơ chă renh 5 F1 păng 9 F2 oei tơjê̆ hăm bơngai jĭ âu. Tôm bơngai âu đei hơlen pham păng đei pơkăp âm tĭnh. Dang ei, tơdrong chơ chă, pơkăpoei tơklăh păng hơlen pơrang jĭ hăm dôm bơngai đei tơrĕk truh bơngai jĭ âu tŏk bŏk oei đei khul jang kơpal dêh char Lâm Đồng pơm jang hăt hot.

Lan chih păng pơre nơ̆r