VOV4.Bahnar - Khei năr âu ki, minh [ar đảng viên bơngai K’ho tơ\ xăh ataih yaih Sơn Điền, apu\ng Di Linh, dêh char Lâm Đồng hlôi yuk trong hơlâu jang pơtăm pơmâu klak ka gôh. Mă blu\ng jang noh [ơm lơ tơnap tap, pho\ ưh đei yua hloi, mă lei rim đảng viên hlôi kơdih chă ho\k hơlen băt hơdăh păng hlôi đei io\k jơnei. Hăm pơkăp “đảng viên yuk trong hơlâu, kon pơlei [oi kiơ\ đơ\ng ro\ng”, trong pơtăm pơmâu tơ\ tơring ataih yaih Sơn Điền to\k bo\k đei pơih xă.  

Bơngai yuk trong hơlâu lơ\m tơdrong pơtăm pơmâu klak ka gôh tơ\ tơring ataih yaih Sơn Điền, apu\ng Di Linh, dêh char Lâm Đồng noh [ok K’Vít – {^ thư anih jang Đảng xăh Sơn Điền. Hơdăh, xơnăm 2020, unh hnam [ok K’Vít axong pơhlom 70 triu hlj vă bơ\ hnam pơtăm pơmâu hăm hơgăt xă 60 m2, pơlăp đing pruih đak kơdâu hăm kơmăi. Đơ\ng ro\ng kơ noh răt 5.000 hơdre\ch păng tơđăh pơmâu vă pơtăm. {ok K’Vít ăn tơbăt. Pơtăm pơmâu klak ka mă jên axong jang ưh đei lơ pơtêng hăm axong jên jang minh [ar tơdrong jang nai, ưh gan huach jơhngơ\m, mă lei pơkăl bơngai pơtăm athei pơm kiơ\ kơjăp dôm tơdrong tơchơ\t kih thuơ\t đơ\ng bơ\ bơbu\ng hnam truh pơkăp ataih kơdu\ng pơmâu dih băl, hơyuh to#, ‘năr pơchră, hơyuh hơ iuch lơ\m hnam pơtăm pơmâu duh athei mă tro\ [lep noh pơmâu pơtơm to\k giơ\ng. {ok K’Vít tơroi: Mă blu\ng tam mă băt hơdăh găh kih thuơ\t jang noh duh ưh đei yua ôh, mă lei đơ\ng ro\ng kơ lơ ‘măng pơm jang, truh dang ei tơdrong jang hlôi đei jơnei, tơgop hơto\k pơyua ăn unh hnam. {ok K’Vít – {^ thư anih jang Đảng xăh Sơn Điền ăn tơbăt, âu jing trong jang to\k bo\k đei tơle\ch jang hăm kang [o#, đảng viên jang hơdrol, [ôh đei io\k yua noh gô pơih xă ăn kon pơlei lơ\m xăh vang jang. Dang ei hlôi đei 5 kang [o#, đảng viên lơ\m xăh jang tơdrong jang âu: “Adrol hloh noh vă ‘măn te\ch ăn kon pơlei lơ\m tơring. Kơlih âu jing tơring ataih yaih, trong nơnăm oei tơnap tap, tam mă hơvơn đei kon pơlei chă rong ka hơdang păng pơtăm pơmâu. Tơring te\ch răt tơ\ ataih, [ơm lơ tơnap tap. Tơdrong âu noh duh hơpơi jơnu\m pơgơ\r apu\ng păng dôm anih jang kơpal tơgu\m ăn tơring chă te\ch tơle\ch tơmam pơtăm đei đang kơ noh hơvơn kon pơlei vang jang, vă hơto\k io\k yua lơ\m khei năr truh”.

Găh pơmâu klak ka noh jing hơdre\ch erih hon gam tơ\ tơmam nai to\k giơ\ng pran lơ\m to\ xe\t khei năr, [ônh pơtăm, ưh đei gơnơm lơ\m teh păng đei io\k tơvih jên jang tenh hloh. Kiơ\ kơ hơdre\ch, đei hơdre\ch đơ\ng ro\ng kơ tơmơ\t, lơ\m pơhlom 10 năr, pơmâu pơtơm đei pe\ yua bơih.  Kiơ\ kơ hơdre\ch, tơdrong trăp kơ pơmâu păng trong vei lăng noh pơmâu gô đei yua lơ ‘măng, pơhlom đơ\ng 300 - 350 gram lơ\m minh tơpu hơdre\ch tơm. ‘Nâu jing tơmam pơtăm rơgoh, ‘lơ\ng, đei lơ kơchơ\t bek păng ‘lơ\ng hăm jơhngơ\m jăn kơlih lơ\m tơdrong pơtăm ưh đei yua pho\ng, pơgang hoă chơ\t kiơ pơrăm truh jơhngơ\m jăn bơngai răt xa.

Đơ\ng ro\ng kơ trong jang pơtăm pơmâu klak ka gôh kơ unh hnam {^ thư anih jang Đảng xăh Sơn Điền đei io\k jơnei, unh hnam [ok K’Hoa tơ\ thôn Bờ Nơm, pơtơm ho\k hơlen păng jang kiơ\. Unh hnam [ok hlôi axong 14 triu hlj vă bơ\ hnam pơmâu, răt 4.000 tơpu hơdre\ch pơmâu klak ka gôh păng pơmâu mre\ng. Truh dang ei, anih pơtăm pơmâu kơ unh hnam [ok K’Hoa hlôi đei io\k yua đơ\ng 2 - 3 khei, đei yua pơhlom 900 k^ pơmâu ‘măn te\ch. Hăm kơjă te\ch lơ\m tơring dang ei đơ\ng 40.000 - 50.000 hlj minh k^ noh unh hnam [ok đei yua pơhlom 36 triu hlj. {ok K’Hoa tơroi: Khei năr blu\ng, yuơ tam mă băt hơdăh găh kih thuơ\t pơtăm pơmâu noh [ơm lơ tơnap tap pơm ăn tơdrong jang ưh đei pơyua lơ găh mu\k drăm. Đơ\ng ro\ng kơ khei năr jang răh, ho\k hơlen răh, noh băt ako\m đei lơ tơdrong hlôh vao păng dar deh hơmet đei tơdrong tơjruh noh. Tơdrong kăl pơmâu đơ\ng kon pơlei lơ\m tơring noh lơ. Khei năr truh gô hơvơn kon pơlei lơ\m xăh atu\m vang jang: “Âu jing tơdrong hơpơi đơ\ng kơdih inh vă jang mu\k drăm đei yua hloh. Mă lei, lơ\m tơdrong jang kơ po, tơdrong vei jang pơmâu duh oei [ơm lơ tơnap tap, kơlih ưh đei bơngai pơtho ăn. Đơ\ng anih 'meh jang, noh chă hơlen kơdih kiơ\ mạng internet, đe chă pơtho inh pơm kiơ\, đang kơ noh vă io\k yua răh rai rim kơ năr”.

{ok K’Uẩn – Kơdră Anih jang Măt tra#n tôh kuôk xăh Sơn Điền, apu\ng Di Linh, dêh char Lâm Đồng ăn tơbăt: Truh dang ei găh kih thuơ\t vei lăng pơmâu noh nhôn hlôi băt hơdăh nhen: rơih găh chă bơ\ hnam pơmâu athei anih rơngơp, tang găn kial tơhlu kơtă. Vă tơpu hơdre\ch pơmau hon hơ[ơ\l, 'lơ\ng noh hơnơ\ng hơlen hơyuh to#, hơiuch lơ\m hnam pơmâu, mă kăl noh đak ruih. 'Nguaih kơ vei lăng, kih thuơ\t pe\ duh athei kơchăng păng đơ\ng ro\ng kơ pe\ đang athei pơ 'nguaih rơgoh tơpu hơdre\ch pơmâu. Atu\m hăm noh, kăl jang tơnăp tơdrong tang găn minh [ar kơloăi pơrang ăn pơmâu, mưh [ôh pơmâu [ơm pơrang noh athei pruih đak vôi vă pơlôch xơmach păng hơlen pơrang hăm pơmâu. Mưh vei lăng ưh kơ 'lơ\ng, hăm 5.000 tơpu hơdre\ch, gô đei yua pơhlom 1 ta#n 5 tă pơmâu 'lơ\ng, pơyua pơhlom 40 triu hlj đơ\ng ro\ng kơ jo# hơlen jên axong jang.  

Đơ\ng tơdrong yuk trong hơlâu đơ\ng [ok K’Vít – {^ thư anih jang Đảng xăh, trong jang pơtăm pơmâu klak ka gôh to\k bo\k đei pơih xă truh hăm rim kang [o#, đảng viên păng kon pơlei tơring ataih yaih Sơn Điền, apu\ng Di Linh, dêh char Lâm Đồng. Trong jang âu ưh adro# tơplih tơdrong erih lơ\m rim 'măng xo\ng xa rim năr hăm rim unh hnam kon pơlei kon kông tơ\ âu, mă oei gơh hơto\k io\k yua [ơ\t hăp jing tơmam drăm kăl. Rim jăl jơnu\m pơgơ\r tơring adoi 'meh vă anih jang kơpal pơm trong hiôk vă hơto\k trong jang âu.

Lan chih păng rapor