VOV4.Bahnar – Kơsơ̆ năr 5/7, dêh char Lâm Đồng ƀôh đei dơ̆ng minh 'nu ƀơm xơmach SARS-CoV2. 'Nâu jing bơngai jĭ đei tơrĕk hăm bơngai ƀơm jĭ mă blŭng kơ dêh char. Bơngai ƀơm jĭ âu noh T.X.C. (56 xơnăm), hnam tơjê̆ drăkăn ƀơm jĭ kơsô̆ pơkăp 17951 (tơ̆ thôn Phú Hòa, xăh Mỹ Đức, apŭng Đạ Tẻh, dêh char Lâm Đồng), bơngai 'nao brŏk đơ̆ng Hóc Môn (plei tơm HCM). Ƀok C jing minh lơ̆m dôm bơngai lơ̆m pơkăp F1 adrol kơ noh hlôi tom pơkăp oei tơklăh, hơlen y tê̆ păng iŏk hơlen pham păng ƀôh ƀơm jĭ.

Đơ̆ng rŏng kơ băt bơngai âu ƀơm jĭ Covid-19, anih jang y tê̆ dêh char Lâm Đồng hlôi 'nhăk ƀok T.X.C đơ̆ng anih pơkăp oei tơklăh năm hơmet jĭ tơ̆ apŭng Đạ Tẻh. Thoi noh, khei năr âi, dêh char Lâm Đồng hlôi xơkơ̆t đei 6 'nu ƀơm jĭ Covid-19. Dang ei tơdrong chơ chă dôm bơngai tơrĕk tơjê̆ hăm dôm bơngai jĭ duh tŏk bŏk đei dêh char Lâm Đồng hăt hot tơlĕch jang.

Lan chih păng pơre nơ̆r