VOV4.Bahnar - Pơ gê 01/7, Jơ nŭm pơ gơ̆r kon pơ lei dêh char Lâm Đồng jăl X, đơ̆ng 2021 – 2026 pơ gơ̆r hop akŏm ‘măng mă 1 vă pôk rơih dôm kơ chư̆k pơm tih kiơ̆ tơ drong gơ̆h jang păng kiơ̆ 1,2 hla ar chih pơ tho gĭt kăl. Tơ̆ hop akŏm, Anih vei lăng pôk rơih dêh char Lâm Đồng roi tơ băt tơ drong pôk rơih âu ki, chih hơ dăh tơ drong gơ̆h jang păng pơ jao hla ar tơ băt ăn 66 ‘nu bơ ngai tang măt Jơ nŭm pơ gơ̆r kon pơ lei dêh char jăl X, đơ̆ng 2021–2026.

Hop akŏm mă mônh Jơ nŭm pơ gơ̆r kon pơ lei dêh char Lâm Đồng jăl X, đơ̆ng 2021 – 2026

Dôm bơ ngai tang măt oei tăh kơ phĭu pôk rơih dôm kơ chư̆k jang tih lơ̆m Jơ nŭm pơ gơ̆r kon pơ lei dêh char păng Dơ nŏ anih vei lăng kon pơ lei dêh char, pôk rơih Kơ dră, Phŏ Kơ dră Anih juăt jang găh luơ̆t, mŭk drăm, jên hu, Joh ayŏ kơ dŏ xoang tơ pôl păng Anih vei lăng hơ drĕch kon kông, Khul sek tơ lang păng dôm bơ ngai jang lơ̆m Dơ nŏ anih vei lăng kon pơ lei dêh char.

Ƀok Trần Đức Quận, Kơ dră jang lơ̆m Trung ương Đảng, Bí thư đảng dêh char Lâm Đồng đei pôk pơm Kơ dră chĕp kơ̆l Jơ nŭm pơ gơ̆r kon pơ lei dêh char jăl X dơ̆ng

Ƀok Trần Đức Quận, Kơ dră jang lơ̆m Trung ương Đảng, Bí thư đảng dêh char, Kơ dră chĕp kơ̆l Jơ nŭm pơ gơ̆r kon pơ lei dêh char jăl IX đei pôk pơm Kơ dră chĕp kơ̆l Jơ nŭm pơ gơ̆r kon pơ lei dêh char Lâm Đồng jăl X dơ̆ng; ƀok Trần Văn Hiệp, Phŏ Bí thư đảng dêh char, Kơ dră vei lăng kon pơ lei dêh char jăl IX, đei pôk pơm Kơ dră vei lăng kon pơ lei dêh char jăl X, đơ̆ng 2021- 2026 dơ̆ng. Hop akŏm oei ‘măn jơ pơ ma nuh, pơ drơ̆ng nơ̆r ăn dôm tơ drong tơ chơ̆t găh Trong pơ gơ̆r hop akŏm lơ̆m sơ năm 2021 đơ̆ng Jơ nŭm pơ gơ̆r kon pơ lei dêh char jăl X, Drơ̆ng nơ̆r ăn tơ drong tơ chơ̆t tơ lĕch jên jang đơ̆ng tĕh đak đunh păh lăp khei ‘năr đơ̆ng 2021- 2025.

Dơ̆ng: Tơ blơ̆