VOV4.Bahnar - ‘Năr brei, ‘năr 5-6, An^h jang vei lăng găh cho\h jang sa păng hơ to\k tơ iung tơ ring tơ rang de#h char Lâm Đồng hlôi pơ gơ\r pơ ma dơ nu\h đơ\ng rim an^h jang kơ pal hăm rim an^h jang mơ dro sa vă tơ chă trong jang hơ met pơ ‘lơ\ng mơ mat tat, pơ tru\t hơ to\k tơ iung tơ drong jang cho\h jang sa kơ tơ ring. Kiơ\ tơ roi tơ băt đơ\ng rim an^h jang mơ dro sa, tơ drong jang pơm tơ le\ch cho\h jang sa tơ\ tơ ring to\k bo\k tơ jră hăm lơ mơ mat tat. {ơ\t mă an^h jang mơ dro sa kăl kơ jên tơ mơ\t jang, ‘no\h tơ drong pơm hla ar vă to\k bo\k jên tơ gu\m tơ [ơ\p lơ mơ mat tat, an^h te\ch mơ dro răt io\k tơ mam drăm đơ\ng cho\h jang sa ư\h kơ sơ đơ\ng. Tơ drong răt tơ mơ\t đơ\ng te\h đak đe rim kơ loăi hơ dre\ch ‘long ‘nao ăn kơ tơ ring oei tam mă gan lơ păng oei đei lơ tơ drong ư\h kơ ‘lơ\ng, pơm hla ar oei mơ mat tat. Tơ\ jơ pơ ma dơ nu\h, bơ ngai tang măt rim an^h jang kơ pal de#h char Lâm Đồng hlôi ch^h io\k dôm tơ drong mơ mat tat, tơ hlăk tơ hl^n mă rim an^h jang mơ dro sa tơ [ơ\p [ơm, hơ dai hăm ‘no\h pơ kăp gô chă trong hơ met pơ ‘lơ\ng, pơ jing rim tơ drong hiôk hian vă kơ rim an^h jang mơ dro sa hơ to\k pran hơ to\k tơ iung jang sa lơ\m khei ‘năr tru\h.  

Thuem tơ blơ\