VOV4.Bahnar - Đơ\ng ro\ng jơ ho\k tơ\ lăm, đe oh ho\k tro tơ\ Hnam trưng kon kông ho\k oei xa hadoi phôh tho\ng trung ho\k dêh char Lâm Đồng oei đei ho\k găh tơdrong hlôh vao choh jang xa kiơ\ trong ‘nao. Pơgar hnam pơn^l axong jên pơjing hloh 150 triu hlj jing anih mă thây pơtho păng ho\k tro atu\m chă pơtăm ‘nhot, pơkao kiơ\ trong ‘nao lơ\m lơ xơnăm kơ âu.

Truh hnam trưng kon kông ho\k oei xa hadoi phôh tho\ng trung ho\k dêh char Lâm Đồng tơ\ phường 3, plei tơm Đà Lạt lơ bơngai ưh kơ ê lơ\m kơplăh cham hnam trưng đei pơgar pơkao, ‘nhot pơtăm kiơ\ trong ‘nao xă hloh 500m2. Pơgar ưh adro# ‘măn ăn ho\k tro ho\k hơlen pơm jang mă oei jing anih pơjing jên mong pơtru\t ho\k pơhrăm ăn hnam trưng. Hăm tơdrong pơtho đơ\ng thây kô, kơ hre\ng ‘nu ho\k tro hlôi pơm kiơ\ pơkăp pơm jang păng te\ch tơle\ch kơ rơbâu xơdrai pơkao ku\k lơ\m rim pơyan io\k yua.

Oh Dạ Gát Phương, ho\k tro lăm 12B ăn tơbăt, đơ\ng ro\ng kơ vang vei lăng pơgar, kơdih po hlôi hlôh vao hloh găh trong pơtăm ‘nhot păng pơkao kiơ\ trong ‘nao. Dang ei ho\k tro hlôi kơdih hơmet pơkăp đak ruih, tuh pho\ng kiơ\ dôm jăl to\k giơ\ng kơ ‘long pơtăm: “Kiơ\ pơgar hnam pơn^l noh nhôn băt đei lơ kih thuơ\t choh teh mă pui, lơ kơloăi pho\ng rei, đak ruih mă tro\ [lep. Trong vă kơ ‘nhot, plei ‘long to\k giơ\ng ‘lơ\ng hloh. ‘Nguaih kơ noh, nhôn chă yua kih thuơ\t ho\k đei tơ\ hnam trưng vih tơgu\m me\ [ă tơ\ hnam”

Đơ\ng dôm jơ ho\k pơhrăm, truh dang ei đe oh ho\k tro hlôi jang đei lơ tơdrong nhen rei hơdre\ch, lu\k lơ\k pho\ng rei, pơkă jơ ruih đak kloh kle\ch bơih. Ho\k tro dôm lăm ho\k hlôi hăt hot vang chă vei hơlen, pe\ yua ‘nhot, pơkao. Kiơ\ kơ oh Ya Duyệt, lăm 12A atu\m hăm tơdrong đei ho\k đơ\ng thây kô pơtho, kơdih po hơnơ\ng hơlen đơ\ng săch păng Internet vă băt trong vei lăng pơgar ‘long pơtăm tơnăp hloh: “Đơ\ng đei trong jang âu, đe boăl pơ ‘nam hloh, ưh gan chă thông tơ\ ‘nguaih ôh, ho\k đei tơdrong ako\m pơm jang kiơ\ khul. Tơgu\m đe oh tơguăt păng erih lơ\m anih oei atu\m âu noh gô hlôh vao dih băl tơnăp hloh păng kơjăp hloh”.

Đơ\ng minh anih teh le# hoh hăm lơ ‘nhe\t uh, ok kơ ep lep ler pơrăm truh jơhngơ\m jăn ho\k tro. Hnam trưng kon kông ho\k oei xa hadoi phôh tho\ng trung ho\k Lâm Đồng hlôi axong jên vă choh hơmet pơjing pơgar jang kiơ\ trong ‘nao hăm tôm hnam pơn^l, trong ruih kơtoh pơhram đak vă pơtăm pơkao, ‘nhot đei yua lơ hloh. Ưh adro# axong ‘nhot rơgoh ‘măn xo\ng xa ăn 450 ‘nu ho\k tro kơ hnam trưng, mă oei đei ‘nhot rơkăh ăn hnam trưng chă te\ch ăn anih pơdro tơ\ ‘nguaih vă io\k jên mong ăn đoàn, jơnu\m jang âu to.

{ok thây Nông Văn Hưng – {^ thư Đoàn hnam trưng kon kông ho\k oei xa hadoi phôh tho\ng trung ho\k Lâm Đồng ăn tơbăt, ho\k tro kơ hnam trưng mă lơ noh kon hơ ioh kon kông, tơdrong pơtho đe oh lăp kơ choh jang xa păng băt jang kiơ\ trong ‘nao jing tơdrong kăl hloh. ‘Nâu jing minh lơ\m dôm tơdrong jang ăn ning nai kơnh: “Ăh pơtăm pơkao, đe oh đei jên rơkăh. Đoàn hơdruh tơdăm axong to\ xe\t ăn đe oh jang Đoàn tơnăp hloh. Lơ\m tơdrong ho\k pơhrăm io\k yua jên mong âu đe oh gơh chă răt hla bar, tơmam drăm ho\k pơhrăm, axong to\ xe\t jên vă răt tơmam ăn đe ho\k tro hin dơnuh tơ\ tơring ataih yaih”.

Hăm dôm tơdrong hơpơi lơ\m ho\k pơhrăm păng hlôh vao găh choh jang xa kiơ\ trong ‘nao đei pơtho tơ\ hnam trưng, đe ho\k tro tơ\ hnam trưng kon kông ho\k oei hadoi phôh tho\ng trung ho\k Lâm Đồng gô kơjăp hloh [ơ\t rơih ăn kơ po minh jăl trong iung pơm jang.

Lan chih păng rapor