VOV4.Bahnarr - Bí thư Đảng dêh char Lâm Đồng Trần Đức Quận pơm tơm hop akŏm Khŭl kơdră chĕp pơgơ̆r Đảng dêh char ‘măng mă 6 jăl XI ăn tơgop nơ̆r găh jang kiơ̆ trong jang măt bơngai chih hơnăn ăn pôk tơmơ̆t jang Kơdră tang măt Kuô̆k hô̆i jăl 15 păng Kơdră tang măt Jơnŭm vei lăng kon pơlei jăl jang 2021-2026 păng minh ƀar tơdrong kăl anai.

Tơ̆ hop akŏm au, Khul kơdră chĕp pơgơ̆r Đảng dêh char tơgop nơ̆r đei ƀơm trŭh rim tơdrong: Trong măt bơngai chih hơnăn ăn pôk tơmơ̆t jang Kơdră tang măt Kuô̆k hô̆i jăl XV păng Kơdră tang măt Jơnŭm vei lăng kon pơlei dêh char jăl jang 2021-2026 kiơ̆ Tơdrong tơchơ̆t 09 kơ Dơnŏ anĭh chĕp pơgơ̆r Kuô̆i hô̆i - Khŭl kơdră chĕp pơgơ̆r tĕh đak - Dơnŏ anĭh Trung ương Mặt trận Tổ quốc Việt Nam; Trong jang tơmơt jên jang tơ iung pơjing Trong rĕnh Tân Phú-Bảo Lộc; tơdrong pơjao pơkăp trong vă jang kon jên jang tĕh đak sơnăm 2021 ăn rim tơdrong jang, tơdrong vă jang lơ̆m dêh char; Tơdrong vă jang pơtăm ‘long theng thôih yuăn (mắc ca) tơ̆ apŭng Dăm Rông păng tơdrong hơmet ming, sơlăh tơring ‘moi kiơ̆ tơdrong tơchơ̆t đơ̆ng Trung ương.

Tơblơ̆ nơ̆r: Amazưt