VOV4.Bahnar – Dôm năr au ki, rơbau ‘nu bơngai er^h sa tơnap tap tơ\ dêh char Lâm Đồng hlôi sơng io\k phe [ơk ăn đe\ch đơ\ng rim găh kmăi ATM phe kơ yuơ Dơno\ an^h Măt trân Tổ quốc Việt Nam dêh char iung jang hơdoi hăm rim khu\l, rim bơngai chă pơlăp. ‘Nau jing tơdrong jang kăl hlo\h chă tơgu\m djru bơngai dơnu\h yak hlo\h tơnap tap kơ yuơ đei [ơm kơne# đơ\ng j^ hơbu\h Covid-19.

Rim ‘nu bơngai tơnap tap gô đei ATM tơgu\m ăn đe\ch

Sơng io\k phe đơ\ng ATM tơ\ hnam chùa Linh Quang (Phương 6, pơlei tơm Đà Lạt) kơ yuơ Dơno\ an^h Mặt trận Tổ quốc Việt Nam dêh char Lâm Đồng jang hơdoi hăm Khu\l che\p pơgơ\r Hnam chùa Linh Quang pơlăp, yă Trần Thị Tám m^nh ‘nu bơngai te\ch ve\ so# tơbăt: Vă je# m^nh khei ư\h kơ đei te\ch ve\ so# kơna tơdrong er^h sa kơ yă tơ [ơ\p tôch lơ tơdrong tơnap tap. Hơdrol khei ‘năr đei j^ hơbu\h, rim năr năm te\ch ve\ so# yă đei jên răt phe. Đơ\ng mă đei j^ hơbu\h yă ư\h kơ đei tơdrong jang kơna dôm tơdrong chă răt sa kơ ‘năr jei măh chă to\k io\k jên đơ\ng u\nh hnam o\h dro\ nglo. “&nh năm te\ch ve\ so# mă lei pơdơ\h kơ khei au kơna ư\h kơ đei jên chă răt sa. Ba bơnê kơ Khu\l kơdră, te\h đak lăng ba tơgu\m djru kon pơlei dơnu\h lơ\m khei ‘năr tơnap tap đei j^ hơbu\h au”.

Jei lei lăi, tơdrong jang chă lu\k chuơ\h ming man hnam au to kơ mo\ Nguyễn Thị Minh Ngọc, oei tơ\ phương 6, pơlei tơm Đà Lạt dôm năr au ki măh pơdơ\h jang kơna u\nh hnam jang sa ư\h kơ đei. Tơdrong er^h sa kơ me\ kră păng 3 ‘nu kon oei ‘lơ\p jei gơnơm m^nh ‘nu mo\ chă jang sa. Mư\h kơtơ\ng đei kmăi ATM [ơk ăn phe ăn bơngai dơnu\h, mo\ tôch chhôk hơ iă. “&nh jang lu\k chuơ\h ming man hnam mă lei ‘măng đei j^ hơbu\h au ư\h kơ đei tơdrong jang. Dôm năr au ư\h kơ đei tơdrong jang, ^nh năm tơchă dônh get chai vă te\ch đei kon jên răt sa đe\ch. Bơnê kơ hnam chùa, kơdră che\p pơgơ\r tơring păng rim khu\l hlôi tơgu\m djru ^nh lơ\m khei ‘năr đei pơrang j^ au”.

Kon pơlei dơnu\h pơlei tơm Đà Lạt sơng io\k phe tơgu\m djru

Kmăi ATM phe blu\ng a tơ\ pơlei tơm Đà Lạt kơ yuơ  Dơno\ an^h Mặt trận Tổ quốc Việt Nam dêh char Lâm Đồng jang hơdoi hăm Khu\l che\p pơgơ\r Tổ đình Linh Quang hăm Gru\p kem Hoa Sen chă pơlăp. Rim năr kmăi gô [ơk ăn vă je# 500 k^ phe ăn dôm bơngai tơnap tap.

Đại Đức Thích Đinh Toàn, Kơdră che\p pơgơ\r Hnam chhùa Linh Quang tơbăt, ư\h khan lăp đei bơngai năm sơng io\k phe, mư\h tơle\ch tơdrong jang [ơk phe, đei lơ bơngai đei jơhngơ\m đon ‘lơ\ng hlôi chơ phe vă tơgu\m ăn kon pơlei.  “ ‘Nau jing dôm tơno# tơmam drăm ưh kơ lơ mă lei hlôi tơgu\m ăn kon pơlei tơnap tap yak hlo\h mơmat tat lơ\m khei ‘năr tơnap tap. Mă kăl tơgu\m ăn đe sư đei jơhngơ\m đon hơ iă lơ\m tơdrong tơgoăt tơgoăl d^h băl. Păng nhôn jang kiơ\ nơ\r pơro# jang đơ\ng Thủ tướng Te\h đak ‘no\h ư\h kơ lon bơngai ayơ lơ\m ‘măng đei j^ jăn au. ‘No\h j^ jơhngơ\m đon ‘mêm mơnat d^h băl đơ\ng tơdrong jang ATM phe”.

Jei lei lăi tơ\ apu\ng Đức Trọng, vă je# 20 tân phe hlôi đei ATM tơgu\m djru tru\h hăm bơngai dơnu\h hiong tơdrong jang, rim bơngai tơnap tap. {ok Nguyễn Đức Triệu, Kơ ie\ng Kơdră che\p pơgơ\r Jơnu\m Chư pơglang [rê apu\ng Đức Trọng tơbăt: Atu\m hăm tơdrong jang chă hơvơn phe [ơk ăn kon pơlei ‘no\h kon pơlei năm sơng io\k phe kăl chă gom mu\h măt, pơm kiơ\ oei hơtăih d^h băl vă sơđơ\ng ăn tang găn j^ Covid-19. “Nhôn iung jang ‘moi kiơ\ dôm tơdrong yan au, tơdăh đei lơ kon pơlei tơnap tap păng tơdrong j^ hơbu\h oei tim dă [iơ\ lei nhôn gô hơnơ\ng vei kơ jăp tơdrong jang pơlăp kmăi au”.

Kiơ\ đơ\ng Dơno\ an^h Mặt trận Tổ quốc Việt Nam dêh char Lâm Đồng, tru\h dang ei lơ\m dêh char hlôi tơle\ch 4 hơn^h ATM phe tơ\ 4 apu\ng. Lăp đơ\ng ro\ng phe tơgu\m hlôi [ơk ăn đang, Dơno\ an^h Mặt trận Tổ quốc Việt Nam dêh char Lâm Đồng gô hơnhăk rim kmăi ATM phe au năm tru\h tơ\ rim tơring anai chă [ơk ăn phe ăn kon pơlei đei [ơm răm đơ\ng j^ hơbu\h pơra\m. Hăm trong jang “Bơngai bu tơnap tap dăh năm sơng io\k, bơngai bu đei [o#h vang chă tơra”, dôm khei năr au ki, đơ\ng tơdrong vang chă tơra tơgop đơ\ng lơ bơngai đei jơhngơ\m đon ‘lơ\ng, rơbau u\nh hnam tơ [ơ\p tơnap tap lơ\m dêh char Lâm Đồng hlôi pơjing kmăi ATM phe vang tơgu\m ăn.

Bơngai ch^h: Tuấn Anh

Tơblơ\ nơ\r: Amazưt