VOV4.Bahnar - Pơrang j^ klak chroh nhu\ng Châu Phi oei lang xă hli hlơt tơ\ dôm dêh char Tây Nguyên. Tơ\ dêh char Lâm Đồng tơdrong ket [uh păng te\ch ‘nhe\m nhu\ng oei nhen dahia đe\ch. ‘Nhe\m nhu\ng tơ\ kơchơ duh đei bơngai răt vă pai xa ăn ‘măng xo\ng rim kơ năr.  

Pơmai Mai Hoàng Trâm Trinh, te\ch tơmam tơ\ kơchơ Chi Lăng, phương 9, plei tơm Đà Lạt ăn tơbăt, unh hnam hơnơ\ng io\k nhu\ng [uh ‘nhe\m ‘lơ\ng xơđơ\ng, băt tơm a la chă păng đei kơya#u pơte\m hơlen pơrang. Bơngai răt yua xơđơ\ng jơhngơ\m [ơ\t răt ‘nhe\m nhu\ng tơ\ kơchơ âu: “Nhen ‘măng adrol ki noh lơ, đơ\ng 40 truh 50%. Oei dang ei noh kon pơlei duh răt lơ ưh đei tơjur, ưh đei hiơ\r kơ jơhngơ\m ôh”.

Kiơ\ pơmai Đào Thị Nhân, bơngai pơdro tơ\ phương 4, plei tơm Đà Lạt, mă đei pơrang j^ klak chroh nhu\ng mă lei kơxo# bơngai răt duh ưh đei tơjur kơlih ‘nguaih kơ hla bar pơkăp hơlen pơrang đei pơte\m kơya#u noh anih jang kơpal tơ\ âu hơnơ\ng chă hơlen, mưh ưh xơđơ\ng noh đe thu io\k hloi: “Ăh mă pơrang, rim tơring ưh đei te\ch ôh mă lei unh hnam duh oei te\ch minh [ar to\ nhu\ng minh năr. Đơ\ng năr đei pơrang truh dang ei noh unh hnam inh duh ưh đei pơdơh te\ch ‘năr yơ hloi. Lơ\m khei năr pơrang, đe ye\t năm hơlen kơjăp dêh. Đe chă hơlen lang lap dêh”.

Tơ\ dôm siêu th^ tơ\ Lâm Đồng noh ‘nhe\m nhu\ng te\ch tơle\ch oei lơ. Kơjă ‘nhe\m nhu\ng ‘lơ\ng noh lơ\m pơhlom đơ\ng 80.000 – 85.000 hlj minh k^ kiơ\ kơloăi.  {ok Nguyễn Văn Sơn, oei tơ\ phương 10, plei tơm Đà Lạt ăn tơbăt, rim ‘măng năm tơ\ kơchơ, kơdih po inh hơnơ\ng rơih ‘nhe\m nhu\ng tơ\ anih juăt, athei đei pơkăp hơlen đơ\ng anih jang hơlen hơmet pơrang kon tơrong: “Đơ\ng chă hơlen băt, inh lơle\ pơrang j^ klak chroh nhu\ng châu Phi ưh đei tơpoh hăm kon bơngai. Mưh nhen đei rim anih jang kơpal hơlen kơjăp păng kon pơlei pai tơmam xa x^n ‘lơ\ng adrol kơ xa noh ưh đei răm kiơ hăm jơhngơ\m jăn. Yuơ noh ‘nhe\m nhu\ng duh oei jing tơmam xa mă unh hnam inh rơih pai ăn ‘măng xo\ng xa rim năr”.

Dêh char Lâm Đồng dang ei đei nhu\ng hloh 463.000 to\. Hăm pơrang j^ klak chroh nhu\ng châu Phi oei lang xă hli hlơt. ‘Nao âu Anih vei lăng kon pơlei dêh char ‘nao đei hla bar pơgơ\r Anih vei lăng kon pơlei rim apu\ng, plei tơm atu\m hăm rim anih jang đei tơre\k pơtoi tơle\ch jang tơnăp dôm tơdrong jang tang găn păng tơjră pơrang j^ klak chroh nhu\ng Châu Phi.

{ok Phạm S – Pho\ Kơdră Anih vei lăng kon pơlei dêh char Lâm Đồng xơkơ\t, Lâm Đồng dang ei noh jing dêh char adro# tơ\ tơring Tây Nguyên tam mă [ôh pơrang j^ klak chroh nhu\ng Châu Phi. Mă lei hăm kơxo# nhu\ng lơ păng đei lơ trong mơ\t le\ch tơkuh hăm dôm dêh char oei đei pơrang noh [ônh tơpoh pơrang truh dêh char Lâm Đồng noh hli hlơt hloh: “Lơ\m khei năr âu ki, nhôn hlôi pơgơ\r tơdrong jang pơgơ\r [et pơgang tang găn pơrang, tơdrong pơ ‘nguaih hơdrong var, đang kơ noh tơdrong hơmet pơ ‘lơ\ng cham char. Păng dôm tơdrong kơchăng bơngai jang duh nhen pơgang vắc xin, tơdrong hơlen dôm anih mơ\t le\ch truh dêh char Lâm Đồng”.

Tơ\ Lâm Đồng tơdrong jang hơlen pơrang j^ tơ\ dôm anih ket [uh, kơchơ te\ch noh kơjăp xơđơ\ng. ‘Nhe\m nhu\ng đei vei băt hơdăh tơm a la chă păng hlôi đei hơlen pơrang. Yuơ noh, bơngai răt yua duh xơđơ\ng jơhngơ\m [ơ\t xa ‘nhe\m nhu\ng, ‘nhe\m nhu\ng tơ\ dôm anih ket [uh păng kơchơ kon pơlei hơko\m.

Lan chih păng rapor