VOV4.Bahnar - Anih vei lăng kon pơ lei dêh char Lâm Đồng hlôi đei jơ bơ̆ jang hăm Anih vei lăng bơ ngai Việt Nam oei tơ̆ teh đak đe tơ̆ pơ lei tơm Hồ Chí Minh kŭm hăm rim bơ ngai jang mơ dro sa ‘noh bơ ngai đơ̆ng teh đak bơ̆n oei tơ̆ teh đak đe, bơ ngai teh đak đe, vă vang tơ roi băl dôm tơ drong kơ tơ̆ng ang, tơ goăt rim bơ ngai tơ mơ̆t jên jang, anih jang mơ dro sa, bơ ngai Việt Nam oei tơ̆ teh đak đe, vă krao hơ vơn tơ lĕch jang rim tơ drong jang tơ̆ tơ ring.

Dêh char Lâm Đồng hlôi roi tơ băt truh khŭl bơ̆ jang kơ Anih vei lăng bơ ngai Việt Nam oei tơ̆ teh đak đe tơ̆ pơ lei tơm Hồ Chí Minh păng tơ pôl rim bơ ngai tơ mơ̆t jên jang, anih jang mơ dro sa, bơ ngai mơ dro sa Việt Nam oei tơ̆ teh đak đe găh tơ mam ‘lơ̆ng, tơ drong pran kơ dêh char Lâm Đồng; tơ roi tơ drong kơ tơ̆ng ang rim tơ drong jang tŏk bŏk krao hơ vơn sơng tơ mơ̆t jên jang nhen; Tơ drong jang hơ nih tơ mang lăng dơ nâu đak Prenn, Tơ drong jang Anih kơ drơ̆m Liên Khương- Prenn, hơ nih tơ mang lăng teh đak dơ nâu đak Tuyền Lâm. Ƀok Steve Bùi, Kơ dră dơ nơm vei lăng  grŭp jang Delta E &C Japan tơ băt ‘măng năm chă hơ len lăng yan âu ‘nâu gô jing gơng tơ ƀư̆h, tơ drong jang gĭt kăl pơ̆ih ăn lơ tơ drong hiôk ăn kơ rim anih jang mơ dro sa, bơ ngai Việt mơ dro sa oei tơ̆ teh đak đe vang tơ mơ̆t jên jang lơ̆m dêh char Lâm Đồng.

Thuem: Tơ blơ̆