VOV4.Bahnar – Pơgê 'năr brei (7/7), jê̆  14.000 'nu bơngai pơlong kơ dêh char Lâm Đồng hlôi keh đang môn pơlong mă blŭng kơ 'măng pơlong tôt ngĭp THPT.

          Tơdrong pơlong môn mă blŭng tơ̆ Lâm Đồng hlôi ƀôh xơđơ̆ng tơnăp trŏ pơkăp, ưh đei bơngai pơm glăi pơkăp pơlong păng ưh đei tơdrong kiơ. Vă vei xơđơ̆ng ăn 'măng pơlong gơh hiôk xơđơ̆ng, 'nguaih kơ tơdrong vei xơđơ̆ng tơpôl, xơđơ̆ng trong nơnăm, dêh char Lâm Đồng oei tơrĕk kăp gĭt hơtŏk dôm trong jang tang găn păng tơjră jĭ Covid-19. Tôm 39 anih pơlong lơ̆m dêh char adoi đei pruih pơgang pơlôch xơmach, axong măh đak rơgoh, pơgang ôp ti, che gom ƀŏ păng pơkă hơyuh tô̆ hơkâu jăn ăn bơngai pơlong păng bơngai lăng thi. Atŭm hăm noh, tơdrong jang tơgŭm jơhngơ̆m ăn pơyan pơlong duh đei khul đoan viên hơdruh tơdăm lơ̆m dêh char hơtŏk pơm jang.  

Lan chih păng pơre nơ̆r