VOV4.Bahnar - Năr brei, năr 24/11, Lâm Đồng hlôi ƀet đang vaccine tang găn jĭ Covid-19 ăn hŏk tro tơ̆ 38 hnam trương jăl pêng păng hnam trương pơtho tơdrong jang tơ̆ 5 apŭng, pơlei tơm.

‘Nau jing mĭnh lơ̆m rim trong jang vă dêh char hrôih ba đĭ đăng hŏk tro năm hŏk tơ̆ hnam trương dơ̆ng. Kiơ̆ kơ ‘nŏh, hŏk tro đơ̆ng 16 trŭh vă jê̆ 18 sơnăm tơ̆ rim tơring đei jĭ hơbŭh Covid-19, đei pơlei tơm Đà Lạt păng rim apŭng Đức Trọng, Lâm Hà, Đơn Dương păng Lạc Dương đei ƀet bơ̆ng ‘măng mă au, hăm akŏp đei 21.300 kơliêu. ‘Nau minh lơ̆m dôm tơdrong hơdrin vă hơnĭh jang pơtho pơhrăm Lâm Đồng iung jang kiơ̆ erĭh sa lăp hăm sơđơ̆ng chăl hle, sơđơ̆ng ăn bơ̆ jang tang găn jĭ Covid-19, atŏk lơ măt bơngai hŏk tro vĭh hơlơ̆k năm hŏk kơtă dơ̆ng đơ̆ng rŏng đunh khei ‘năr hŏk online.  

Tơblơ̆ nơ̆r: Amazưt