VOV4.Bahnar - Dơ nŏ anih vei lăng kon pơ lei dêh char Lâm Đồng đei hla ar chih athei Anih vei lăng tơ mam drăm, cham char dêh char, Dơ nŏ anih vei lăng kon pơ lei dôm apŭng, plt pơ dơ̆h ‘mơ̆i tơ drong pơm hla ar tĕh lơ̆m dêh char.

Mă hơ dăh, Dơ nŏ anih vei lăng kon pơ lei dêh char Lâm Đồng athei Anih vei lăng tơ mam drăm, cham char, Dơ nŏ anih vei lăng kon pơ lei dôm apŭng, plt pơ dơ̆h ‘mơ̆i tơ drong pơm hla ar tĕh tơ̆ dêh char klep truh đei nơ̆r pơ tho plơ̆ng dơ̆ng đơ̆ng dêh char (ưh kơ jô̆ hla ar tĕh đơ̆ng unh hnam chĕng song băl).

Bơ̆ jang kiơ̆ nơ̆r pơ tho đơ̆ng Dơ nŏ anih vei lăng kon pơ lei dêh char, Anih vei lăng tơ mam drăm, chgam char Lâm Đồng kŭm đei hla ar chih gơih ăn dôm anih pơm hla ar tĕh, athei hơ len năng đĭ đăng hla ar tĕh hlôi sơng iŏk păng pơm tam mă đang yoa đei tơ drong tơ hlăk yoa vă pơm trong.

Atŭm hăm ‘nŏh, hơ len năng hô sơ, hơ met mă ‘lơ̆ng; Pơ dơ̆h ‘mơ̆i tơ drong sơng iŏk hô sơ ‘nao gô klĕp truh đei nơ̆r pơ tho plơ̆ng dơ̆ng đơ̆ng Dơ nŏ anih vei lăng kon pơ lei dêh char. Dôm tơ drong jang ‘nâu athei jăh bơ̆ jang kiơ̆ hloi păng tơ roi ăn Kơ dră Anih vei lăng tơ mam drăm, cham char adrol kơ ‘năr 10/6/2021.

Dơ̆ng: tơ blơ̆