VOV4.Bahnar - 10 sơ năm bơ\ jang tơ drong pơ jei băl “Krao hơ vơn kon pơ lei rơ gei” găh tơ drong vei sơ đơ\ng te\h đak, truh dang ei, tơ\ dêh char Lâm Đồng pơ jing păng pơih xă đei 2.220 trong jang rơ gei. Lơ trong jang lơ\m kơ so# âu tôch đei yoa păng hlôi đei pơih xă.

Kiơ\ hla ar chih tơ roi đơ\ng Công an dêh char Lâm Đồng, dang ei lơ tơ ring lơ\m dêh char adoi tơ le\ch trong jang Tơ ring kon pơ lei oei “Sơ đơ\ng ‘lơ\ng păng vei kơ jăp tơ drong sơ đơ\ng tơ\ trong gre”, “Tơ ring kon pơ lei ưh đei tơ drong yoch, tơ drong glăi lơ\m tơ pôl”;

Pơ jing, hơ met kơ jăp păng pơm hơ to\k lơ trong jang, khul gru\p vei lăng tơ drong sơ đơ\ng, vă krao ako\m kon pơ lei vang jang tang găn tơ drong yoch, ma túy, tơ drong glăi lơ\m tơ pôl, vei sơ đơ\ng tơ\ trong nơ năm; vang sek tơ lang dôm tơ drong hil băl đơ\ng kon pơ lei tơ\ tơ ring vă găn le# tơ drong pơm glăi luơ\t, jing đei tơ drong ưh sơ đơ\ng…

Dơ\ng: Tơ blơ\