VOV4.Bahnar - Bơ̆ jang kiơ̆ tơ drong jang pơ tăm 1 ti tơ nơm ‘long jăl jang 2021 - 2025 hlôi đei Thủ tướng Teh đak kĭ ăn, dêh char Lâm Đồng pơ jing trong tơ lĕch jang păng tŏk bŏk tơ lĕch jang pơ tăm 50 triệu tơ nơm ‘long lơ̆m tơ ring. Dêh char Lâm Đồng dang ei đei vă jê̆ 454.900 hek tar bri brăh păng 83.850 hek tar bri pơ tăm, đei kơ sô̆ pĕng yơ̆p đơ̆ng bri 55%, tơ jur 7% pơ têng hăm 10 sơ năm hơ drol. Vă hơ tŏk tơ drong pĕng yơ̆p đơ̆ng bri, pơm lăp hăm tơ plih tŏ ‘mi kial păng vei sơ đơ̆ng cham char bri brăh, lơ̆m sơ năm 2021, dêh char Lâm Đồng hơ nơ̆ng pơ tăm 490 hek tar bri tơ̆ teh hoh păng teh đơ̆ng rŏng iŏk pơ dreo yua đơ̆ng tơ gar iŏk glăi.

Pơ gar ơng kơ Anih vei lăng bri Lâm Viên pơ truh hơ drĕch ‘long vă pơ tăm dơ̆ng tơ̆ rim xăh, phường lơ̆m pơ lei tơm Đà Lạt (Lâm Đồng)

Kŭm hăm ‘noh, Lâm Đồng kŭm tŭn pran tơ drong tơ lĕch jang pơ tăm 50 triệu tơ nơm ‘long kiơ̆ tơ drong jang pơ tăm 1 ti tơ nơm ‘long jăl jang 2021 - 2025 hlôi đei Thủ tướng teh đak kĭ ăn. Jô̆ truh khei ‘năr âu, hlôi đei 4,84 triệu tơ nơm ‘long rim kơ loăi hlôi đei rim anih jang kơ pal pơ tăm tơ̆ rim apŭng, pơ lei tơm lơ̆m dêh char.

Thuem: Tơ blơ̆