VOV4.Bahnar - Pơ gê 23/3, tơ̆ anĭh jang hanh chinh dêh char, Khul kơ dră chĕp kơ̆m Anih MTTQ Việt Nam dêh char Lâm Đồng pơ gơ̆r hop akŏm trư̆k tuyê̆n lơ̆m dêh char vă pơ tho trong pơ gơ̆r iŏk nơ̆r tơ gop đơ̆ng bơ ngai tăh hla tơ̆ tơ ring hăm dôm bơ ngai lĕch pơ jei pơm bơ ngai tang măt Kuô̆k hô̆i jăl XV, bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021 – 2026. Hop akŏm pơ gơ̆r pơ gơ̆r trư̆k tuyê̆n hăm 12 anĭh hyup pơih tơ̆ apŭng, plt lơ̆m dêh char.

Dôm bơ ngai tang măt vang pơ tâp pơ hrăm tơ̆ anĭh pơih pơ dăh Đà Lạt

Kiơ̆ đơ̆ng hop akŏm, iŏk nơ̆r tơ gop păng hơ len năng đon lui đơ̆ng bơ ngai tăh hla tơ̆ tơ ring kon pơ lei oei, Khul kơ dră chĕp kơ̆l Anĭh MTTQ jơ̆p tơ ring đei trong hơ len năng hăm dôm bơ ngai lĕch pơ jei vă pơ ma nuh chih hơ met hơ năn dôm bơ ngai đei tôm tơ drong hơ găt, rơ gei, tơ găl hăm đon lui đơ̆ng bơ ngai tăh hla lơ̆m hop akŏm pơ ma nuh ‘măng mă 3. Hop akŏm iŏk nơ̆r tơ gop athei pơ gơ̆r mă kơ jăp, pơ jing tơ drong ‘lơ̆ng vă bơ ngai tăh hla tưk tơ iung tơ drong pơm tơm, pơ ma nơ̆r tơ gop hăm dôm bơ ngai lĕch pơ jei. Khei ‘năr pơ gơ̆r hop akŏm iŏk nơ̆r tơ gop đơ̆ng bơ ngai tăh hla vă pơ gơ̆r đơ̆ng ‘năr 21/3 truh ‘năr 13/4. 

Dơ̆ng: Tơ blơ̆