VOV4.Bahnar - Kơ sơ\ ‘năr 23/2, Khu\l che\p kơ\l pơ gơ\r An^h jang Mặt trận tổ quốc de#h char Lâm Đồng pơ gơ\r hop ako\m pơ tho trong pơ ma dơ nu\h roi tơ [o#h bơ ngai le\ch pơ jei pơm bơ ngai tang măt Kuôk ho#i jăl 15 păng bơ ngai tang măt Jơ nu\m pơ gơ\r kon pơ lei rim tơ ring jăl jang 2021 - 2026. Rim bơ ngai tang măt đei mơ\ng pơ tho hơ dăh găh tơ drong tơm, hla ar roi tơ [o#h bơ ngai le\ch pơ jei păng pơm hla ar hô sơ le\ch pơ jei kiơ\ tơ drong hơ găt đơ\ng Luơ\t pôk rơ\ih. Tơ drong roi tơ [o#h bơ ngai le\ch pơ jei pơm bơ ngai tang măt Kuôk ho#i jăl 15 tơ\ rim an^h jang đei pơ gơ\r đơ\ng ‘năr 24/2 tru\h ‘năr 11/3/2021. Rim bơ ngai tang măt vang năm hop ako\m hlôi tơ le\ch nơ\r ap^nh găh dôm tơ drong tam mă rơ đăh [ơm tru\h tơ drong jang pôk rơ\ih, roi tơ [o#h bơ ngai jang păng đei bơ ngai pơ gơ\r tơ blang hơ dăh kiơ\ tơ drong tơ chơ\t đơ\ng Luơ\t pôk rơ\ih bơ ngai tang măt Kuôk ho#i păng bơ ngai tang măt Jơ nu\m pơ gơ\r kon pơ lei rim tơ ring.

Thuem: Tơ blơ\