VOV4.Bahnar – Vă pơm trong hiôk ăn bơngai lĕch măt tơgar jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang kơ dêh char Lâm Đồng jăl jang 2021-2026 gơh akŏm pơma dơnuh hăm kon pơlei, pơm kiơ̆ xơnong hơvơn pôk rơih, Anih pơgơ̆r pôk rơih dêh char Lâm Đồng hlôi pơgơ̆r dôm anih akŏm pơma dơnuh tơ̆ dôm anih pôk rơih lơ̆m dêh char kiơ̆ nhen pơkăp, hla bar păng jơ 'năr.

Lơ̆m noh, dêh char hlôi pơgơ̆r 40 anih akŏm pơma dơnuh hăm kon pơlei tơ̆ 3 anih pôk rơih bơngai jang tang măt ăn Kuôk hô̆i jăl 15, 142 anih pơma dơnuh tơ̆ 18 anih pôk rơih bơngai jang tang măt lơ̆m Hô̆i đŏng kon pơlei dêh char jăl 10, jăl jang 2021-2026. Tơ̆ dôm anih akŏm pơma dơnuh hăm kon pơlei adoi iŏk yua kơjăp dôm tơchơ̆t hơlen păng vei xơđơ̆ng dôm trong jang tang găn păng tơjră jĭ Covid-19. Tơ̆ dôm anih pôk rơih kơsô̆ 1 kơ bơngai tang măt ăn Kuôk hô̆i jăl 15 đei apŭng Lạc Dương, Đơn Dương, Đức Trọng păng plei tơm Đà Lạt, yuơ pơrang jĭ Covid-19 hơbuh hli, Lâm Đồng hlôi pơm tơplih tơdrong pơgơ̆r akŏm pơma dơnuh hăm kon pơlei đơ̆ng bơngai lĕch măt tơgar kiơ̆ pơkăp kơtă tơplih akŏm trư̆k tuyê̆n. Truh khei năr âu, tơdrong pơgơ̆r vă bơngai lĕch măt tơgar jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang kơ dêh char Lâm Đồng hlôi keh đang trŏ kiơ̆ tơchơ̆t.

Lan chih păng pơre nơ̆r