VOV4.Bahnar – Pơgê năr 11/10, dêh char Lâm Đồng jang atŭm hăm dôm anih jang kơpal kơ dêh char Bình Dương, Đồng Nai, Bà Rịa - Vũng Tàu xơng hloh 1.000 'nu kon pơlei chôt vih pơlei pơla. Tơ̆ jăl trong vih vơ̆t, khul bơngai vih adoi đei dôm anih jang tơgŭm nhen: Khul kanh sat hơlen trong nơnăm chơng trong, tơgŭm găh y tê̆ mưh đei tơdrong kăl.

Rim bơngai chôt vih pơlei pơla athei đei hla bar xet ngĭm âm tĭnh oei ƀlep năr pơkăp păng ăh vih truh pơlei athei pơkăp oei tơklăh y tê̆ kiơ̆ tơchơ̆t. 'Nâu jing 'măng xơng kon pơlei chôt vih mă 2 kơ dêh char  Lâm Đồng lơ̆m 3 năr kơ âu. Adrol kơ noh, Lâm Đồng hlôi 'nhăk 2.000 kon pơlei oei tơhlăk tơ̆ plei tơm HCM chôt vih tơ̆ pơlei pơla xơđơ̆ng. Kơchĕng lơ̆m dôm năr truh, lơ dêh char, plei tơm lơ̆m jâ̆p teh đak pơtoi jang atŭm hăm plei tơm HCM păng dôm dêh char tơjê̆ nhen: Bình Dương, Đồng Nai, Bà Rịa – Vũng Tàu… vă pơgơ̆r 'nhăk kon pơlei chôt vih pơlei pơla kiơ̆ trong teh, trong gre treng păng chơ hăm gre păr.

Lan chih păng pơre nơ̆r