VOV4.Bahnar - Kơ sơ\ brei (11/10), Jơ nu\m vei lăng kon pơ lei jang chun mir de#h char Lâm Đồng pơ gơ\r hop ako\m pơ tôch tơ drong jang kon pơ lei jang chu\n mir pơ jei băl jang sa, te\ch mơ dro hơ gei. Hop ako\m hlôi pôk pơ ư 89 ‘nu bơ ngai hơ gei tang măt ăn kơ vă je# 66.400 ‘nu kon pơ lei jang chu\n mir jang sa, te\ch mơ dro hơ gei kơ de#h char Lâm Đồng.

89 ‘nu kon pơ lei jang chu\n mir jang sa hơ gei kơ Lâm Đồng ei pôk pơ ư

‘Nâu ku\m jing dôm bơ ngai năm hơ drol lơ\m tơ drong tơ pl^h ‘nao đon pơ vao, pơ\n tơ che\ng pơ\n jang jơ nei hăm dôm tơ drong jang ‘nao lơ\m cho\h jang sa, pơm tơ drong hiôk ăn tơ drong jang kon pơ lei jang chu\n mir pơ jei băl jang sa hơ gei tơ\ de#h char Lâm Đồng io\k đei jơ nei.

Tru\h dang ei, lơ\m de#h char hlôi chă [o#h đei 950 pơ gar să, kơ hre\ng hơp tak xăh, gru\p jang hơ dai cho\h jang sa hăm vă je# 14.000 ‘nu bơ ngai vang jang. 5 sơ năm âu ki, kon pơ lei jang chu\n mir Lâm Đồng hlôi tơ gop hlo\h 164 ti hlak jên, vă je# 16.000 năr jang tơ gu\m băl pơ jing tơ ring tơ ‘nao.

Thuem: Tơ blơ\