VOV4.Bahnar - Ƀlep ƀât tơ băt 46 sơ năm năr tơ blăh iŏk rơ ngei tơ ring Pơ băh, pơ jing đei 1 tĕh đak kơ jăp ‘lơ̆ng (30/4/1975 - 30/4/2021), pơ gê 29/4, Anih jang đảng dêh char, Jơ nŭm pơ gơ̆r kon pơ lei, Dơ nŏ anih vei lăng kon pơ lei, Anih MTTQ Việt Nam dêh char Lâm Đồng pơm lêh tih hơ pong kơ đe linh lôch tang tĕh đak tơ̆ pơ sat linh plt Đà Lạt. Hăm jơ hngâm đon kŭp yom, lơ kơ vang pơ kao 'lơ̆ng hơ iă chih chư “Rim jơ hnơr băt bơ nê kơ đe linh lôch tang tĕh đak” păng lơ nhang hlôi đei dôm bơ ngai tang măt sŏh hlôt ƀât Rup man ƀlŏk hơ dơ̆r;

Bơ ngai tang măt pơ yơ̆r pơ kao păh sŏh nhang ƀât Rup man ƀlŏk hơ dơ̆r

Păng 'măn 1 pơ nĭt kŭp kơ̆l ƀlơ̆k hơ dơ̆r kơ đe linh nuih mơng hlôi lôch tang lơ̆m 2 tơ drong tơ blăh kơ tang đơ̆ng hơ drĕch hơ drung hăm jơ hngâm đon kŭp yom, 'mêm kơ eng tôch pơ nĕh đơ̆ng Đảng ƀô̆, khul kơ dră pơ gơ̆r păng kon pơ lei dêh char Lâm Đồng 'măn ăn đe linh lôch tang tĕh đak, dôm bơ ngai chu hŭt sĕch kar vă vei lăng tơ drong rơ ngei, hiôk hian ăn hơ drĕch hơ drung, tơ drong hiôk chơt ăn kon pơ lei. Đơ̆ng rŏng kơ lêh pơ yơ̆r pơ kao păng sŏh plang nhang ƀât Rup man ƀlŏk hơ dơ̆r, kơ dră chĕp kơ̆l dêh char păng dôm bơ ngai tang măt năm sŏh hlôt nhang ăn rim pơ sat linh lôch tang tĕh đak.

Dơ̆ng: Tơ blơ̆