VOV4.Bahnar – Anih jang y tê̆ dêh char Lâm Đồng tŏk bŏk oei chih hơnăn păng pơkăp tơlĕch ƀet vaccine bơ̆ng jĭ Covid-19 'măng mă 5 lơ̆m tơring, hăm kơsô̆ jê̆ 36.000 kơliu. Hăm tơchơ̆t tang găn păng tơjră pơrang jĭ Covid-19 hăm tơdrong yua vaccine ăn dôm bơngai kiơ̆ Tơchơ̆t 21 đơ̆ng Khul kơpal teh đak.

Lơ̆m noh, axong adrol ăn tôm bơngai hlôi ƀet 'măng mă 1 păng  95% hăm bơngai tơ̆ tơring ƀônh hơbuh jĭ păng pơtoi kơ noh ƀet 'măng mă 1 ăn kon pơlei lơ̆m tơring. Kiơ̆ Anih jang Y tê̆ dêh char Lâm Đồng, tơdrong jang ƀet vaccine bơ̆ng jĭ 'măng mă 5 gô vă pơgơ̆r lơ̆m 2 'măng păng keh đang adrol kơ khei 8/2021. vă ƀet pơgang gơh xơđơ̆ng ăn tơdrong tang găn păng tơjră pơrang jĭ, tơdrong ƀet pơgang đei pơgơ̆r tơ̆ dôm anih jang ƀet pơgang bơ̆ng jĭ hlôi tơbang dôm pơkăp ƀet bơ̆ng jĭ lơ̆m tơring noh: Hnam pơgang tơm dêh char, Hnam pơgang tơm kơsô̆ 2 Lâm Đồng, Hnam pơgang tơm Hoàn Mỹ Đà Lạt, Anih Hơln pơrang jĭ jăn dêh char Lâm Đồng păng Anih jang Y tê̆ 12 apŭng, plei tơm lơ̆m dêh char.

Lan chih păng pơre nơ̆r