VOV4.Bahnar - Kơsơ̆ năr 2/8, Dơnŏ anĭh Đảng dêh char Lâm Đồng hlôi tơlĕch Nơ̆r athei jang kiơ̆ atŏk kơtang bơ̆ jang tang găn jĭ Covid-19 lơ̆m dêh char. Lơ̆m au, athei kon pơlei ư̆h kơ lĕch tơ̆ trong đơ̆ng rŏng 9 jơ gơmăng, lăp đei tơdrong kăl gơ̆h lĕch tơ̆ trong ‘nŏh tơdăh đei tơdrong ŭnh sa, hơmet jĭ ăl păng dôm bơngai gĭt kăl.

Dơnŏ anĭh Đảng dêh char Lâm Đồng tơlĕch nơ̆r athei kon pơlei ‘nĕ gan lĕch tơ̆ trong đơ̆ng rŏng 9 jơ gơmăng

Nơ̆r athei jang kiơ̆ au đei tơlĕch jang kiơ̆ hloi jô̆ đơ̆ng năr 4/8. Hăm trong jang “Tang găn kơ jăp, tơ jră tĕnh koăng” vă tang găn, ư̆h kơ lê̆ jĭh hơbŭh tơpŏh lang să, nơ̆r athei jang kiơ̆ pơma hơdăh, Khŭl kơdră chĕp pơgơ̆r Dơnŏ anĭh Đảng dêh char athei rim hơnih bơ̆ jang lơ̆m dêh char kăl akŏm kơtang jơhngơ̆m jang, jơ ‘năr jang tang găn jĭ. Ư̆h kơ gơ̆h gôchang đơ̆ng nai, ư̆h kơ gơ̆h pơhơi, tơlĕch jang kơtang vei lăng lơ̆m tơring kơ dĭh, ư̆h kơlê̆ đei tơdrong vei lăng ư̆h kơ kĕ tơdrong chă jĭ jăn. Trong tơlĕch vă jang ‘nŏh jang răh tang găn hơlau, tơ jră tang găn jơnei, adoi vei kơ jăp sơđơ̆ng jang sa, pơm tơlĕch tĕch mơdro tơmam drăm vă đei khŭl jang tang găn jĭ păng bơ̆ jang tơgŭm ăn kon pơlei.

Tơblơ̆ nơ̆r: Amazưt