VOV4.Bahnar - Jing minh xăh ataih tơ\ tơring kăng kư\ cách mạng xơ\, hăm hloh 80% kxo# kon pơlei hdrung K’ ho erih jang xa. Mă tơdrong erih kơ kon pơlei đơ\ng ro\ng kơ đei jơnei rơngei tơjra#m lơ tơnap tap, trong nơnăm ưh kơ đei hiôk, mă lei gơnơm đei tơdrong tơre\k axong jang đơ\ng Đảng păng jơnu\m pơgơ\r teh đak atu\m hăm tơdrong adrin đơ\ng kơdih po, xăh Lộc Bắc lơ\m apu\ng Bảo Lâm (Lâm Đồng) dang ei hlôi jing minh tơring teh pơdro\ng jơnap, jing tơring kdra#m păng to\k bo\k oei tơplih ‘nao rim kơ năr.

Mă 40 xơnăm hlôi găn ga, mă lei gru kơnăl kơ dôm khei năr atu\m hăm khul gru\p lôch erih lơ\m tơdrong tơjră ayăt Mih tơblăh pơ rơngei hdrung hdre\ch kơtă tơ\ tơring kăng kư\ cách mạng Lộc Bắc âu duh oei đei Thượng tá Hoàng Minh Đỏ, kang [o# ‘lo\ xơnăm jang cách mạng băt hơdăh. {ok tơroi, [ơ\t to\k 20 xơnăm [ok vang jang lơ\m khul Thanh niên Tiền phong đang kơ noh jing linh vei lăng teh đak lơ\m Tiểu đoàn 320 Đông Nam Bộ. Truh ăh xơnăm 1954, [ok năm tơ\ tơring tu. Ăh pơyan to# ‘mi xơnăm 1959, [ok jang lơ\m Đoàn B90 yuơ Anih tơm linh vei xđơ\ng teh đak pơjing, rơih minh [ar kang [o# jang xre\p chôt vih tơ\ tơring pơbăh vă pơm jang. Lơ\m vă je# 3 khei pơjing khul jang tơ\ tơring, pơm gơng tơroh hăm tơring Tu - Pơbăh, đơ\ng Dak Lak truh Lâm Đồng, Thượng tá Hoàng Minh Đỏ atu\m hăm khul gru\p po pơih xă tơdrong jang cách mạng đei 18 lơ\m kxo# 19 pơlei kon pơlei Mạ tơ\ ter đak krong Đồng Nai, hơvơn kon pơlei tơ\ dôm pơlei pơla vei xđơ\ng ăn tơdrong đơ\ng tơring Khu V năm truh Lâm Đồng. Đơ\ng noh, tơring kăng kư\ găh tu Lâm Đồng jing anih bơ\ng oei, rong ‘me khul kang [o# kơ anih jang dêh char Lâm Đồng, Anih tơm kơ khul linh Quân khu VI, atu\m hăm noh duh jing anih pơdơh jơ\ng kơ lơ khul linh đơ\ng tơring Tu pơtruh ăn dôm dêh char găh pơbăh to\k bo\k.

Duh kiơ\ kơ Thượng tá Hoàng Minh Đỏ, che\p vei đon bơnôh băt ‘mêm kơ teh đak, băt ‘mêm kơ cách mạng, kon pơlei kon kông K’ ho tơ\ âu hơnơ\ng adrin tơguăt tơguăl, yak hloh rim tơdrong tơnap tap vă ao\k tơ iung atu\m hăm Đảng păng jơnu\m pơgơ\r teh đak pơjing tơring kăng kư\ âu roi năr roi ato\k tơ iung: “Đơ\ng năr đei jơnei rơngei truh dang ei, [ôh hơnơ\ng jang kiơ\ trong tơchơ\t đơ\ng Đảng, jơnu\m pơgơ\r teh đak. Nhen chă hơvơn kon pơlei oei minh dơnơ\ng dơ\ng pơlei minh anih păng jang xa ato\k tơ iung, dang hlôi xek tơlang keh đang tơdrong erih tơnap tap đơ\ng kon pơlei bơih. Kon pơlei duh xkơ\t pơ ‘nam pơm jang, vei xđơ\ng tơdrong erih, tơre\k ăn tơdrong jang vei xđơ\ng jơnu\m pơgơ\r tơring gơh tơnăp”

Đơ\ng tơdrong tơre\k tơgu\m đơ\ng Đảng păng jơnu\m pơgơ\r teh đak, khei năr âu ki Lộc Bắc hlôi đei axong kơ tih hlak jên vă ming man tơdrong kăl ăn tơring. Đơ\ng tơdrong axong jang đei jơnei kăp g^t âu hlôi tơgop pơm tơplih um ru\p kơ tơring kăng kư\ cách mạng tơ\ âu. Rim bơbu\ng hnam gia, chơne\ng pơle pơ o xơ\ dang ei hlôi đei tơplih hăm dôm bơbu\ng hnam man kjăp ‘lơ\ng, tơdrong erih kon pơlei hơnơ\ng đei ato\k. {ok K’Thường, bngai hdrung K’ho oei tơ\ thôn 2, xăh Lộc Bắc chơt hơ iă tơroi:“Hăm tơring bngai kon kông tơ\ Lộc Bắc, gơnơm đei Đảng păng Jơnu\m pơgơ\r teh đak tơre\k tơgu\m axong to\k io\k jên jang vă xut le# pơngot tơjur hin dơnuh, gơnơm đơ\ng noh tơring hlôi ato\k pơm jang găh mu\k drăm păng joha yo\ pơtho pơhrăm hloi”

Dang ei kon pơlei tơ\ âu hlôi băt io\k yua tơdrong rơgei găh khoa ho\k kih thuơ\t lơ\m pơm jang vă hơto\k tơmam drăm pơm tơle\ch. ‘Ngoaih kơ ato\k je# 500 ha hơgăt teh pơtăm hla chè hdre\ch ‘nao, 200 ha tơm điều, choh hơmet vă je# 600 ha cà phê, kon pơlei kon kông tơ\ âu oei chă hơto\k rong kon tơrong, jang hloh 30 ha [a na hăm hdre\ch ‘nao đei yua lơ păng ‘lơ\ng. Hơto\k tơdrong io\k yua ăn rim ‘nu bngai jang vă je# 15 triu hlak jên minh xơnăm hăm minh ‘nu jang, hơto\k 5 triu hlak jên pơtêng hăm 3 xơnăm adrol ki. Gơnơm đơ\ng noh, kxo# unh hnam hin dơnuh duh tơjur oei pă 10%, pă đei unh hnam pơngot.  

Kiơ\ kơ [ok Âu Phương Chính, Pho\ kdră anih jang vei lăng kon pơlei xăh Lộc Bắc, noh ưh kơ adro# tơdrong erih mu\k drăm ato\k tơ iung, mă tơpôl ch^nh tr^ tơ\ xăh Lộc Bắc adoi đei vei xđơ\ng ling lang. Mă kăl, kon pơlei hlôi che\p vei tơdrong juăt joe nuih mơng, gru groa kơ tơring kăng kư\ cách mạng, tơdrong tơbôl đơ\ng tơpôl kon pơlei Kinh păng kon pơlei kon kông tơ\ tơring âu hlôi đei kơhret kjăp, jơhngơ\m đon kueng [ôt roi đei hơto\k hloh. {ok Âu Phương Chính tơroi: “Đơ\ng ro\ng kơ đei jăl trong tih 725 găn tơ\ âu, noh trong vih vơ\t te\ch răt tơmam drăm lơ\m tơring hlôi xđơ\ng hloh. Păng jơnu\m pơgơ\r teh đak duh tơre\k axong man dôm jăl trong năm truh tơring pơm jang hloi, kon pơlei adoi kơdih po ato\k tơ iung, kơdih chă răt bơ\n gre choh, kmăi ruih đak, kơdih pơm jang vă klaih đơ\ng hin dơnuh. Xơ\ noh kon pơlei oei gơnơm đơ\ng đe nai tơgu\m mă lei dang ei hlôi băt kơdih ato\k tơ iung bơih”

40 xơnăm đơ\ng ro\ng kơ đei jơnei rơngei, đơ\ng tơdrong tơguăt tơguăl pom nơ\r [ơ\r đon păng kho\m mă pơjing pơlei pơla đơ\ng anih jang Đảng, jơnu\m pơgơ\r tơring păng kon pơlei, tơring kăng kư\ cách mạng Lộc Bắc kơ apu\ng Bảo Lâm, dêh char Lâm Đồng to\k bo\k ato\k tơ iung tơplih dơh po kiơ\ rim kơ năr.

                                                                                                                                Lan chih păng rapor