VOV4.Bahnar - Anih vei lăng kon pơ lei dêh char Lâm Đồng tơ lĕch trong vă jang Khei bơ̆ jang yua kơ đe hơ ioh sơ năm 2021 hăm hơ năn: Vang tơ gŭm vei sơ đơ̆ng jang kiơ̆ tơ drong pơm tơm kơ đe hơ ioh, vei lăng hơ ioh mư̆h sar bar, jĭ hơ buh, khei ‘năr pơ gơ̆r Khei bơ̆ jang đơ̆ng ‘năr 1/6 truh ‘năr 30/6/2021.Kiơ̆ kơ ‘noh Anih vei lăng kon pơ lei dêh char athei rim anih jang, tơ ring lăng kiơ̆ tơ drong tơm tơ lĕch jang păng yan âu đei ƀôh tơ pih đơ̆ng jĭ Covid-19 vă pơ gơ̆r rim tơ drong jang mă lăp, hơ dai hăm ‘noh tơ roi tơ băt rim tơ drong tơm vei lăng hơ ioh pơ ma atŭm păng tang găn tơ rôp, pơ ƀrơ̆h hăm hơ ioh, tang găn jĭ rơ ka, glơ̆k kơ đak tơ̆ hơ ioh. Hơ tŏk loi dơ̆ng tơ drong jang tơ roi tơ băt, pơ tho pơ hrăm, hơ met ăn tơ drong băt arih ăn hơ ioh, mă loi ‘noh jĭ tơ drong băt tang găn tơ rôp, pơ ƀrơ̆h lơ̆m hơ nih mạng; tơ drong băt tang găn jĭ rơ ka, glơ̆k kơ đak, tơ drong băt vei lăng kơ dih kâu tơ̆ hơ năp tơ drong jĭ Covid-19 hrei ‘nâu.

Thuem: Tơ blơ̆