VOV4.Bahnar - Pơgê ‘năr brei, năr 11/8, tơ\ jăl trong 20, jăl găn thôn 1, xăh Hà Lâm, apu\ng Đạ Huai, dêh char Lâm Đồng, hlôi đei xar bar trong nơnăm hăm 3 tong gre chơ tơmoi pơm 1 ‘nu bngai lôch păng 7 ‘nu nai rơka. Gre chơ tơmoi đei kxo# pơkăp BKS 51B - 15259 kơ anih jang găh gre Thành Bưởi yuơ Nguyễn Kim Quyết vơ\r đơ\ng Đà Lạt năm tơ\ plei tơm Hồ Chí Minh, [ơ\t truh xăh Hà Lâm, apu\ng Đạ Huai noh gre chơ tơmam pơgăn trong, păng athei veh ưh kơ ê. {ơ\t âu, minh tong gre nai chơ tơmoi kơ anih jang gre Phương Trang kơdâu atu\m trong, yuơ kơ tom juă frăn noh tơ\m he# ăh kie\ng gre chơ tơmoi Thành Bưởi. Đang kơ noh minh tong gre nai dơ\ng duh gre kơ anih jang Phương trang tơ\m ăh kie\ng gre kơ anih jang po. Tơdrong tơtơ\m kơtang pơm 3 tong gre hư răm, bngai vơ\r gre Đặng Hữu Trần Khánh lôch kơtă, 7 ‘nu nai lơ\m 2 tong gre chơ tơmoi Phương Trang rơka păng to\k bo\k đei ‘nhăk ka#p kư\u tơ\ hnam pơgang apu\ng Đạ Huoai. Truh 7 jơ pơgê ‘năr brei năr 11-8, khul kdră kpal kơ dêh char Lâm Đồng pơtơm hơlen păng hơmet đang anih xar bar, axong trong nơnăm xđơ\ng dơ\ng.

Lan chih păng rapor