VOV4.Bahnar - Tơ drong jang “ Plang song pham - tơ goăt đĭ đăng bơ ngai Việt” sơ năm 2021 đei Anih pơ gơ̆r krao hơ vơn plang song pham tơ gŭm dêh char Kon Tum pơ gơ̆r lơ̆m 2 năr ‘năr 15 păng ‘năr 16/7 tơ̆ pơ lei tơm Kon Tum hăm hơ năn “ Năr plang song pham Kơ toh pham ƀrê Kon Tum”. Năr akŏm tơ mơ̆t dơ̆ng ăn kơ Hnam pơ gang Đa khoa dêh char 300 tơ pu pham vă dŏng hơ met ăn bơ ngai jĭ.

Roi tơ ƀôh, khăm jơ hngơ̆m pran ăn bơ ngai plang song pham tơ gŭm

Tơ pă yan âu ăn ƀôh kơ tă lơ̆m khei ‘năr tôch kơ hret đơ̆ng jĭ hơ buh COVID-19, ‘noh “ Plang song pham - tơ goăt đĭ đăng bơ ngai Việt” hăm tơ drong jang plang song pham tơ gŭm oei tŏk bŏk lang să  pran kơ tang tơ̆ dêh char Kon Tum. Tơ drong jang tang găn jĭ đei bơ̆ jang kiơ̆ tơ păt hăm nơ̆r tơ băt 5K vei sơ đơ̆ng ‘lơ̆ng ăn bơ ngai plang song pham păng rim bơ ngai jang pơ gang.

‘Nhŏng Phạm Ngọc Quang ‘măng mă 11 plang song pham tơ gŭm

Sơ năm ‘nâu tơ drong jang “ Plang song pham - tơ goăt đĭ đăng bơ ngai Việt”  đei Anih pơ gơ̆r krao hơ vơn plang song pham tơ gŭm dêh char Kon Tum pơ gơ̆r tơ̆ 3 tơ ring ‘noh; apŭng Sa Thầy, pơ lei tơm Kon Tum păng apŭng Ngọc Hồi hăm hơ năn krao Năr plang song pham kơ tŏh pham ƀrê Kon Tum.

Thuem: Tơ blơ̆