VOV4.Bahnar -  Kơsơ̆ năr 26/4, Dơnŏ anĭh tơm vei lăng Tơdrong jang-Bơngai rơka păng Tơpôl jang hơdoi hăm Hơnĭh jang tơgŭm ăn ASEAN, Tơdrong jang hơdoi tơring ASEAN lơ̆m pơtho pơhrăm tơdrong jang pơgơ̆r Pơm lê̆h lĕch muh măt “Bơngai jang tơbăt tơchĕng hơlen tơring găh tơdrong iung jang atŏk tơ iung khŭl bơ̆ jang lơ̆m ASEAN” kiơ̆ trong pơgơ̆r trư̆k tuyên. Hop akŏm đei vang năm đơ̆ng Khŭl jang tơgŭm ăn ASEAN, hơnĭh vei lăng tơdrong jang, pơtho pơhrăm păng mŭk drăm kơ rim tĕh đak lơ̆m khŭl ASEAN, tang măt ăn rim hơnĭh bơ̆ jang kơ ASEAN păng mĭnh ƀar hơnĭh bơ̆ jang apŭng plĕnh tĕh. ‘Nau tơdrong jang vă pơtrŭt kơtang tơdrong jang kiơ̆ Tơchơ̆t ASEAN găh Atŏk tơ iung khŭl jang ăn apŭng plĕnh tĕh tơdrong jang tŏk bŏk tơplĭh ‘nao. Tơbăt tơ ƀô̆h ăn rim trong jang kăl vă pơtrŭt kơtang lơ̆m hŏk pơhrăm đĭ jơhnơr erĭh atŭm hăm rim trong jang gơ̆h ăn đunh đai tai sơnăm. Kiơ̆ đơ̆ng nŏh, tơlĕch rim trong iung jang hloi lơ̆m tơring păng lơ̆m tĕh đak atŏk kơtang Tơdrong pơkăp bơ̆ jang tơgŭm găh atŏk tơ iung khŭl bơ̆ jang ăn apŭng plĕnh tĕh tơdrong jang tŏk bŏk tơplĭh ‘nao.

Tơblơ̆ nơ̆r: Amazưt