VOV4.Bahnar - Lêh ako\m cà phê Buôn Ma Thuột ‘măng mă 6 atu\m hăm Tơdrong pơlong joha yo\ ching chêng Tây Nguyên xơnăm 2017 păng Hop ako\m axong jang tơring Tây Nguyên ‘măng mă 4 đei pơgơ\r tơ\ plei tơm Buôn Ma Thuột, dêh char Dak Lak, hlôi keh kong ‘lơ\ng hơ iă. Đơ\ng dôm tơdrong jang lơ\m lêh ako\m, kon pơlei, anih jang duh nhen Jơnu\m pơgơ\r ako\m adoi hơpơi gô hơ ‘nhăk đei jơnei tơnăp lơ tơdrong kăl nhen: mu\k drăm, joh ayo\, tơpôl ăn Dak Lak păng Tây Nguyên.    

Duh nhen kơ hre\ng rơbâu unh hnam kon pơlei pơtăm cà phê tơ\ dêh char Dak Lak, 54 unh hnam tơ\ pơlei AKo\ Dhông, phường Tân Lợi, plei tơm Buôn Ma Thuột hăt hot hăm Lêh ako\m cà phê đei pơgơ\r 2 xơnăm minh ‘măng.  

Tơguăt, erih jang xa tơ\ tơring teh đei lăng jing anih dơnơm kơ tơm cà phê, kon pơlei tơ\ âu băt hơdăh găh kơjă hơdre\ch ‘long pơtăm âu pơyua thoi yơ ăn tơdrong erih đe ye\t. Duh yuơ io\k yua đơ\ng tơm cà phê,  kon pơlei tơ\ pơlei  AKo\ Dhông ke\ axong ming man, vei răk hnam kơjung kră xơ\, vei răk joh ayo\ juăt jue kră xơ\ mă yă [ok pơxư\ ăn vă hơto\k jang tơmang pơhiơ\. Yuơ noh hăm kon pơlei tơ\ âu Lêh ako\m cà phê jing tơdrong chơt hơ iă, jing ‘măng vă unh hnam jang chă jên xa.

 Pơmai H’Wiêt Byă, oei tơ\ pơlei  Ako\ Dhông, phường Tân Lợi, plei tơm  Buôn Ma Thuột, dêh char Dak Lak ăn tơbăt: “Hơ iă dêh lêh ako\m âu pôk pơ ư hăm kon pơlei jang cà phê, đơ\ng noh tơgu\m kon pơlei hơto\k kơjă kăp g^t hăm cà phê, pơyua lơ găh mu\k drăm duh nhen tơdrong erih kon pơlei đei tơplih hơto\k hloh. Tơ\ pơlei âu pơgơ\r et xoi kơ yang apinh ‘mi kial xơđơ\ng tơ\ dơnâu đak pơlei Ako\ Dhông đang kơ noh ching chêng vă vei răk tơ[ăk mong joh ayo\ kon pơlei Ê đê duh nhen kon pơlei kon kông nai”

Lêh ako\m cà phê Buôn Ma Thuột ‘măng mă 6 păng Tơdrong pơlong joh ayo\ ching chêng Tây Nguyên xơnăm âu đei pơgơ\r đơ\ng năr 8 truh năr 13/3.  Hăm hơnăn “Ako\m tơdrong rơgei, Răk vei um ai joh ayo\, Tơroh vă ato\k tơ iung”,  Lêh ako\m hơvơn hloh 230 doanh nghiệp, 1.200 ‘nu kon pơlei jang cà phê rơgei truh đơ\ng 10 dêh char pơtăm cà phê lơ\m ja#p teh đak đei: Sơn La, Điện Biên, Quảng Trị, Đồng Nai, Bình Phước, Kon Tum, Gia Lai, Đăk Nông, Lâm Đồng păng Dak Lak.  Atu\m hăm pơhlom 400 nge# nhơ\n joh ayo\ kră xơ\ truh đơ\ng 5 dêh char Tây Nguyên, atu\m hăm dêh char  Quảng Nam păng Khul joh ayo\ kơ dôm teh đak Campuchia, Lào, Rumani, Hàn Quốc.

Minh lơ\m dôm tơdrong tơm kơ lêh ako\m kơchơ pơdăh tơmam drăm cà phê pơgơ\r tơ\ anih Pơdăh tơmam Biệt điện, hơvơn lơ tơmoi truh tơmang. ‘Nâu jing tơdrong jang oei lơ\m tơdrong hơto\k te\ch răt tơmam drăm kơ teh đak, jing trong hiôk vă dôm anih  doanh nghiệp tơbang um ru\p, tơmam drăm păng hơto\k kơjă tơmam drăm cà phê.

{ok Bùi Huy Sơn, Kơdră anih axong te\ch răt tơmam drăm lơ\m Anih tơm Ko\ng thương ăn tơbăt:  “Lơ xơnăm kơ âu, tơdrong mă âu hlôi jing minh tơdrong kăp g^t kơ tơdrong jang hơto\k te\ch răt tơmam drăm kơ teh đak, mă kăl noh xơnăm âu hăm pơkăp minh kơchơ ako\m juăt jue hlôi đei jơnei minh [ar tơdrong pơkăp ‘nao hăm hloh 700 anih pơdăh tơmam. ‘Nâu jing minh tơdrong đei jơnei tơgăl kơ pôk bơnê kơlih hăp tơbang tơdrong tơre\k, ako\m hăm dôm anih axong jang, dôm doanh nghiệp lơ\m păng ‘nguaih kơ teh đak.”

            Atu\m hăm lêh pơtơm păng pơtôch, Lêh ako\m cà phê Buôn Ma Thuột ‘măng mă 6 păng Tơdrong pơlong joh ayo\ ching chêng Tây Nguyên đei  9 tơdrong jang tih đei pơgơ\r tơ\ plei tơm Buôn Ma Thuột, apu\ng Lăk păng apu\ng Buôn Đôn.

Kiơ\ jơnu\m pơgơ\r, âu jing Lêh ako\m mă blu\ng kơ dêh char Đak Lak đei pơgơ\r tôm lơ\m tơpôl mă lei duh oei vei xơđơ\ng tơdrong kăp g^t kơ hăp. Hlôi đei pơhlom 40 doanh nghiệp pơkăp tơgu\m, lơ\m noh đei 8 anih tơgu\m hăm hu, 3 anih jang tơgu\m hăm măh, 5 anih jang tơgu\m hăm dơmo\ng, tơgop răh jên hu păng jang răh minh [ar tơdrong tơm kơ lêh ako\m.

{ok Nguyễn Hải Ninh, Pho\ kơdră Anih vei lăng kon pơlei dêh char Đak Lak, Kơdră Jơnu\m pơgơ\r Lêh ako\m ăn tơbăt: “Nhôn tơre\k truh tơdrong tơroi tơbăt minh hơyak ‘nao. Tơje# hăm tơdrong tơroi lơ\m aloa rapor juăt jue, nhôn dru\t kơtang tơdrong tơroi online yuơ noh đei tơdrong lang xă lơ\m tơpôl pran hloh păng hơdăh hloh, đei tơdrong vang jang đơ\ng lơ anih jang, tôm tơdrong jang kơ lêh ako\m adoi đei jang xơđơ\ng tơnăp. Găh tơdrong jang pai por ‘nhot, anih oei xa lơ\m dêh char ưh kơ đei hơto\k kơjă, vei xơđơ\ng rơgoh tơmam xa, vei xơđơ\ng tơpôl lơ\m tơring...

Hăm tơdrong tơguăt 3 lơ\m minh: Lêh ako\m cà phê Buôn Ma Thuột ‘măng mă 6 tơguăt hăm Tơdrong pơlong joh ayo\ ching chêng Tây Nguyên xơnăm 2017 păng Hop ako\m axong jang tơring Tây Nguyên ‘măng mă 4, xơkơ\t gô pơyua kăp g^t lơ tơdrong găh mu\k drăm, joh ayo\, tơpôl ăn Dak Lak pơma adro# păng Tây Nguyên pơma atu\m lơ\m khei năr truh.  

Lan chih păng rapor