VOV4.Bahnar - Đơ\ng kră xơ\, lơ\m đon lui kơ kon pơlei Thái Trắng tơ\ Tây Bắc akhan, tơ\ plei đei yang hơpang vei lăng, kon bngai tơ\ kpal teh noh yuơ yang hơpang tơ\ plenh vei vêr. Then noh jing bngai tang măt ăn kon bngai tơ\ kpal teh pơtruh nơ\r hơpơi ‘meh đơ\ng kon pơlei hăm yang hơpang. Yuơ noh, rim xơnăm hơmet ăh pơyan choh jang, kon pơlei Thái Trắng hơnơ\ng pơgơ\r lêh ako\m “Then Kin pang” vă apinh ăn ‘mi kial xđơ\ng, apinh ăn rim bngai păng pơlei pơla gơh xđơ\ng xơnêp xơnoa jang xa đei [ôh.

Tơ\ rim tơring kon pơlei Thái Trắng Tây Bắc, Then Kin pang rim xơnăm đei kon pơlei pơgơ\r minh ‘măng yuơ dôm kon rong kơ then (đe krao noh Lụk liệng ) dang dôm bngai then krao pơhngol, hơmet j^ ‘nhăk tơmam plang truh vă hmach bơnê kơ then. ‘Ngoaih kơ noh Then kin pang oei đei tơmam plang hmach bơnê hăm dôm bngai mă hlôi tơ iung pơjing pơlei pơla, bơnê kơ dôm bngai nuih mơng hlôi tơblăh ayăt tơgar vă vei lăng xđơ\ng teh đak.

Adrol kơ hơmet ăn pơyan choh jang, kon pơlei Thái Trắng tơ\ ja#p pơlei pơla atu\m băl tơra nhu\ng, ier, phe, tơyông, hơlăk tơdrô ge năm truh hnam Then vă pơgơ\r et xa “ Then kin pang”. Lơ\m tơmam xoi plang ăn kơ then ưh kơ gơh k[ah 5 hdre\ch ‘nhot, tơ[ăng tăng, ‘nhot bri. Pơmai Phùng Thị Nga, erih tơ\ pơlei Lửa, xăh  Phổng Lào, apu\ng Phong Thổ, dêh char Lai Châu ăn tơbăt: “Then kin pang dang rim bngai hơmet ăn tơdrong xoi apinh ăn to# ‘mi kial xđơ\ng ‘lơ\ng, pơyan jang đei yua nhen tơdrong ‘meh vă. Tơdrong et xa âu hơnơ\ng đei pơgơ\r ăh năr 10/3 âm lịch rim xơnăm. Rim bngai lơ\m pơlei, lơ\m xăh truh atu\m băl ako\m et xa”

 Then jing bngai mă đei kon pơlei lui yom pôk pơm bngai tang măt ăn kon pơlei truh apinh yang hơpang. {ok Then hru\k hơbe\n ao lơ kơmâu che\p bro\  tính tơ oei tơ\ anăp kơxeng ‘măn tơmam xoi plang. Kon xâu kơ [ok Then tơ oei tơje# tơmơ\ng [ok Then xkat păng apinh yang hơpang atu\m vih et xa plei ‘long, ‘nhot [âu phu yuơ kon xâu pơm tơle\ch. {ok Then Lâm Văn Điện tơ\ pơlei Nặm Ty, xăh Nặm Hàng, apu\ng Nặm Nhùn, dêh char Lai Châu ăn tơbăt: “Rim xơnăm kon pơlei păng dôm bngai mă inh krao pơhngol, hơmet j^ ‘nhăk tơmam vă hmach bơnê. Kon pơlei tơgop băl, hnam noh ier, nhu\ng pơtruh tơ\ âu vă [uh et xa, pơchơt, hri hơxuang, thơ thâu kơ [ok then păng apinh ăn xơnăm ‘nao rim bngai gơh xđơ\ng, xơnêp xơnoa. Lêh ako\m et xa âu mă hăt noh vă bơnê kơ then, khôi mă âu ba ưh kơ gơh le# ôh”

         {ok then tang măt anư kon pơlei hơvơn yang hơpang đơ\ng plenh jur atu\m et xa hăm kon xâu then păng apinh yang hơpang tơgu\m ăn kon pơlei xơnăm ‘nao grăng pran, pơm jang đei io\k yua, [a [enh xum, nhu\ng ier chêk lar [enh cham, rong kon tơrong noh ưh kơ đei pơrang j^: “Then to\k tơ\ plenh ưh kơ đei tơjra#m tơnap tap. Apinh ăn tôm kon pơlei plenh băt hơdăh, nơ\r pơma ang bang đơ\ng yang hơpang tơ\ plenh tơ\ teh, ang bang nhen nơ\r pơma í liêng. Mưh ưh kơ hơ iă noh kon rong ưh kơ mơ\ng kiơ\ ôh, kon pơlei ja#p tơring truh ako\m et xa atu\m băl”

          Adrol âu ki Then Kin Pang đei pơgơ\r lơ\m 3 năr, dang ei đe pơgơ\r kiơ\ tơdrong erih ‘nao, kon pơlei pơgơ\r et xa lơ\m minh năr đe\ch. Đơ\ng ro\ng kơ xoi plang đang, kon pơlei atu\m băl hri hơxuang păng pơxuh dôm tơdrong pơchơt kră xơ\ nhen tók mák lẹ, dui tơlei, én cáy... ‘Nâu duh jing ‘măng vă kon pơlei kon kông lơ\m tơring tơjra#m pơma dơnuh, tơbang tơdrong tơguăt dih băl đơ\ng dôm hdrung hdre\ch kon kông lơ\m tơring.

                                                                             Lường Hạnh - CQTT Tây Bắc