VOV4.Bahnar - Kơ sơ̆ ‘năr 28/10/2021, Thủ tướng teh đak Phạm Minh Chính hlôi kŭm hăm rim kơ dră chĕp kơ̆l ASEAN, vang pơm lêh pơ tôch Hop akŏm tih ASEAN ‘măng mă 38 păng 39 păng dôm hop akŏm tih nai păng Lêh pơ jao pơm Kơ dră ASEAN sơ năm 2022 ăn kơ teh đak Cam-pu-chia. Pơ ma pơ tôch hăm kiơ̆ lơ̆m pơm Kơ dră ASEAN sơ năm 2021, ƀok pơ tao teh đak Brunei pơ ma hơ dăh ưh kơ mơ̆ng dôm tơ drong mơ mat tat yua đơ̆ng đei ƀôh krê hơ mơt đơ̆ng jĭ hơ buh COVID-19, ASEAN hơ nơ̆ng hơ tŏk tơ iung pran kơ tang. Yak truh tơ̆ hơ năp kơnh, ƀok pơ tao Brunei athei kăl hơ nơ̆ng pơ trŭt dôm tơ drong hơ drin pơ jing tơ pôl ASEAN kiơ̆ lơ̆m pơ trŭt trong jang lơ pang păng pơ jing 1 tơ drong jang pran kơ jăp tơ̆ tơ ring. Sơng iŏk pơm Kơ dră ASEAN sơ năm 2022, Thủ tướng Cam-pu-chia tơ băt hơ dăh hơ năn sơ năm pơm Kơ dră ASEAN 2022 ‘noh jĭ “ASEAN bơ̆ jang vang tơ jră rim long nol” yua kơ hơ dai băl, rơ ngei păng hơ nŭk hơ noa tơ̆ tơ ring, tŭn pran pơ jing 1 tơ pôl hơ tŏ, pran kơ jăp păng tôm, lăp hăm tơ drong tơm kơ ASEAN vang hơ dai băl pơ trŭt 1 trong jang tơ̆ hơ năp, 1 tơ drong ‘lơ̆ng hơ iă, 1 tơ pôl.

Thuem: Tơ blơ̆