VOV4.Bahnar – Năr  15/9, tơ̆ Hnam pơdong pơjôk kơ teh đak (Hà Nội), Ƀan châ̆p hanh Trung ương Đảng, Kuôk hô̆i, Kơdră teh đak, Jơnŭm pơgơ̆r teh đak, Anih jang Trung ương Măt trâ̆n tôh kuôk Việt Nam păng unh hnam hlôi pơgơ̆r Lêh pơdong pơjôk ƀok Đại tướng Phùng Quang Thanh, xơ̆ jang lơ̆m Anih tơm Chĭnh trĭ, hlôi jang Phŏ Ƀĭ thư Quân ủy Trung ương, xơ̆ jang Ƀô̆ trưởng Anih tơm Khul linh, kiơ̆ khôi Pơkăp kơ teh đak.

          Lơ khul kơpal hlôi truh pơjôk Đại tướng Phùng Quang Thanh đei: Tang măt ăn Ƀan châ̆p hanh Trung ương Đảng kơyuơ bơngai jang lơ̆m Anih tơm Chĭnh trĭ, Kơdră teh đak Nguyễn Xuân Phúc chĕp kơ̆l, ƀok Tổng Bí thư xơ̆ kơ teh đak bơ̆n noh Nông Đức Mạnh năm pơjôk. Pơtoi kơ noh, Khul Kơdră teh đak kơyuơ Kơdră teh đak Nguyễn Xuân Phúc chĕp kơ̆l; Khul Kuôk hô̆i kơyuơ ƀok Kơdră Kuôk hô̆i Vương Đình Huệ chĕp kơ̆l; Khul Kơpal kơ jơnŭm pơgơ̆r teh đak kơyuơ Thủ tướng teh đak Phạm Minh Chính chĕp kơ̆l; Khul kơpal kơ Anih jang Trung ương Măt trâ̆n tôh kuôk Việt Nam kơyuơ Phŏ Kơdră - Tổng Thư ký kơ Anih jang Trung ương Măt trâ̆n tôh kuôk Việt Nam Lê Tiến Châu chĕp kơ̆l, năm pơjôk nhap ƀok Phùng Quang Thanh.

Lan chih păng pơre nơ̆r