VOV4.Bahnar - Kơ sơ̆ ‘năr (10/12), tơ̆ Hà Nội, Anih tơm jang tơ bôl pơ gơ̆r Lêh tơ băt 100 sơ năm năr rơ neh kơ ƀok Nguyễn Cơ Thạch, sơ̆ pơm jang lơ̆m Anih tơm Chĭnh trĭ, sơ̆ pơm Phŏ Jơ nŭm Kơ dră tơm, Kơ dră Anih tơm jang tơ bôl (1921-2021). Lêh tơ băt 100 sơ năm năr rơ neh kơ ƀok Nguyễn Cơ Thạch jĭ 1 lơ̆m dôm tơ drong jang ‘lơ̆ng hơ iă lơ̆m ‘măng hŏk hôp chĭnh trĭ gĭt kăl ‘noh đei: Hop akŏm jang tơ bôl lơ̆m teh đak, Hop akŏm jang tơ bôl ‘măng mă 31, Hop akŏm ‘ngoăih jang tơ bôl ‘măng mă 20 vă tơ lĕch jang hrơ̆ch 1 ‘măng, tôm tong trong jang tơ bôl Hop akŏm ‘măng mă XIII kơ Đảng. Pơ ma tơ̆ lêh tơ băt, Kơ dră tơm jang tơ bôl Bùi Thanh Sơn pơ ma hơ dăh tơ drong arih sa bơ̆ jang kach mang ang hơ dăh đơ̆ng ƀok Nguyễn Cơ Thạch hlôi ‘măn ăn lơ ƀai hŏk kăp gĭt hăm tơ drong hơ tŏk tơ iung teh đak păng anih jang tơ bôl hrei ‘nâu.

Thuem: Tơ blơ̆